Matiu 26:61 - Buka Blahi Ka Cheke Holo

⁶¹ “Ghehati nomhini mae igne neke cheke eghu, ‘Iara tangomana te paꞌe soru nogna Sugablahi God igne, eghuteuna ke babana fapulo ke lamnadi thilo narane.’ ”

Matiu 26:61 Referans Kwoze

Matiu 27:40

“Ghema, iagho mae teke chekeni iagho tangomana te paꞌe soru Sugablahi na, eghuteuna ke babana fapulo ke lamnadi thilo narane teku ia. Jame te Thugna God tutuani iagho na fakarhi nigho themu soru mei ka gaju fafatha na!”

Nonomho Te Keli Teke Risoi Mae Mak 15:29

Naikno te sala'u jare na thono ngingiridi fara ne naghoni mae Jisas. Mare ne bliubliu pha'udire ne cheke eghu, “Ao sao! Ghema, iagho neke chekeni iagho tangomana te paꞌe soru Sugablahi na, eghuteuna ke babana fapulo ke lamnadi thilo narane teku ia!

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Mae Khuru 22:22

Naiknore fanomho neu ka mae Pol ne ghilei chekeni mana igne. Aonu naiknore ne funu eha fabiꞌo eghu, “Faleheni! Mae igne theome nabagna te karha!”

Mae Khuru 18:13

Mare ne cheke eghu ka mae Galio, “Ghema Primia, mae igne farirhiudi naiknore mala pogho soruni God ka puhi te blahi fara ka nomi vetula ghehati mae Jiu gre!”

Mae Khuru 17:18

Aonu keha mae velepuhi ka phei tothoghei te kilodi Epikuria nei Stoiki teu gre ne fapoaphola ka mae Pol. Keha mae re ne cheke eghu, “Mae igne theome laseni kaisei glepo kolho. Unha gne te magnahaghei chekeni mana na?” Keha mae re ne cheke eghu, “Mae igne jau magnahaghei toutonudi ka tahati nodi god keha namonoi jau signe?” Mare ne cheke eghu naugna mare ne theome laseni unha te chekeni mae Pol kate toutonuni Nonomho te Keli eigna mae Jisas teke karha fapulo kau glehe na.

Jone 9:29

Ghehati laseni mae Moses, naugna tifa na God neke cheke balugna mana. Nu mae Jisas gne ghehati theome laseni mana nei theome laseni neke mei funugna heva!”

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Matiu 26:71

Aonu mana jifla ne tei kegra rhegna grengathagna bara na. Ka grengatha tuana kaisei gaꞌase langau ne filoni mana. Naꞌa ne cheke eghu ka naikno kegra teu jare na, “Mae igne kaisei mae balugna la mae Jisas gna Nasaret.”

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Fapea Kings 9:11

Kate pulo mei mae Jehu ka keha mae komanda igre, mare ne ghusna eghu ka mana, “Ba, gobigna lepore keliu kolho? Unha eghu te chekeni mae te fameomekro ia ka iagho na?” Aonu mana ne cheke eghu, “Ghotilo lasedi nogna nafnata cheke mae igne ra.”

Ululahu Kings 22:27

Iagho chekedi phiamare mala lilisei mae igne ka suga sosolo. Eghuteuna faghamuni ka bret moja nei khoꞌu eghu kolho ghilei ke pulo mei iara ka magra.”

Jenesis 19:9

Mare nomhini cheke mana igne ne cheke eghu fari thedi, “Mae igne neke meila agne tifei kolho, mana theome maegna agne. Filo si ghotilo, gognaro na mana magnahaghei te cheke ranghi ghita tahati unha te mala eni tahati na!” Aonu mare ne cheke eghu ka mae Lot, “Ghema, fasnagla sagho! Te theome fasnagla iagho na ghehati ginauna na eꞌei puhi te diꞌa fara ka phia mare, eghuteuna ghehati ginauna na jaola eꞌei puhi ke diꞌa laogna tuanai ka iagho eghu.” Aonu mare ne funu huju faleghuni mae Lot ne magnahaghei paꞌe koko grengatha na.

Matiu 26:62

Mae pris biꞌo na kegra haghe ne cheke eghu ka mae Jisas, “Ba, iagho theo kaisei nou cheke tughu si ka fathoro te edi mare ka iagho igrea?”

Matiu 27:5

Mae Judas tei ne koko soru sileni tuana ka Sugablahi na. Aonu mana tei ne froro thegna.

Nonomho Te Keli Teke Risoi Mae Mak 14:58

“Ghehati nomhini mae igne neke cheke eghu, ‘Iara ginauna na paꞌe Sugablahi teke hohoro kolho naikno igne. Eghuteuna ke leghu thilo narane, iara ginauna nake hohoro fapulo kaisei Sugablahi majaghani teke theome hohoro naikno na.’ ”