Matiu 19:8 - Buka Blahi Ka Cheke Holo

⁸ Mae Jisas ne cheke eghu ka mare, “Mae Moses neke snakreni ka ghotilo te mala koko khetomire, naugna ghotilo ne tiromi fanomho fakeli ka nogna farirhiu God na. Nu neke theome eghu ka narane God teke vuavuhadi gaꞌase ghe nalhaꞌu gre.

Matiu 19:8 Referans Kwoze

Jenesis 2:24

Eghume mae nalhaꞌu na mala jifla kokodi idogna kmagna re mala au fodu balugna khetogna na. Naugna igne repa mala theome jateula phei naikno eghu, nu repa mala jateula kaisei naikno eghu kolho.

Nonomho Te Keli Teke Risoi Mae Mak 10:5

Mae Jisas ne cheke eghu ka mare, “Mae Moses neke rioriso vetula igne malami ghotilo kolho, naugna thono ninhigrana fara te mala farirhiu ghami ghotilo na.

Profet Sekaraea 7:12

eghuteuna gaoghathodi re maku jateula thina eghu. Igne te diꞌatagu fara iara ka mare, naugna mare ne theome magnahaghei te leghudi vetula nei cheke eghu te chekedi Tharungagu iara na ka mae profet tifa ra.

Ululahu Korin 7:6

Iara chekeni igne mala togho ghami ghotilo, theome jateula kaisei vetula eghu mala leghuni ghotilo.

Matiu 8:31

Eghuteuna naiture ne toreni mae Jisas, ne cheke eghu ka mana, “Jame te brue ghami ghehati na, iagho kuru ghami ghehati tei ke lamnadi bosu gro eghu.”

Matiu 3:15

Aonu mae Jisas ne cheke eghu ka mae Jone, “Eni sagho gognarona. Naugna ka igne na tapa eni unha te magnahagheini God na.” Mae Jone ne faꞌuveni mana.

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Nodi Khoje Hatimare Mae Jiu 95:8

“Ghotilo thosei maumaku jateula teke edi ku'emi tifa ka namono nagou Meriba te kiloi Masah.

Jenesis 7:7

Mae Noa baludi khetogna, thugna nalhaꞌu nei khetodi mae thugnare eghu ne rikha ne tei saghe ka vaka na mala theome knoho ka meigna nabritha biꞌo na.

Matiu 19:7

Hatimare mae Farasi ne cheke eghu ka mana, “Nou cheke iagho tuana thono doglo fara, nu naugna unha si mae Moses te snakreni mae nalhaꞌu na te mala koko khetogna na ke leghugna te tusu lao mana pepa te mala koko khetogna na gnea?”

Matiu 19:9

Te chekeni iara ka ghotilo na, jame kaisei mae koko khetogna na, eghuteuna ke tolaghi ka keha gaꞌase delei ngau teuna, mana khale ka tolaghi pedo. Kaisei gaoghatho ngala mana tangomana te koko khetogna na, jame khetogna mana na neke thuru fodu balugna kaisei mae delei ngau.”

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Ululahu Samuel 25:43

Mae Devet jaola ne tolaghi ka Ahinoam thaugna Jeseril. Repa ne kafe tolaghi ka mae Devet.