Matiu 19:15 - Buka Blahi Ka Cheke Holo

¹⁵ Ke leghugna te habo ka pha'udi goro suare, mae Jisas ne jifla jare.

Matiu 19:15 Referans Kwoze

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Ululahu Korin 7:14

Mae ihei te theome fatutuani na, mana tangomana te mei namo ka God na, naugna mana ne kaisei balugna thau khiloau te tolaghi mana tagna na. Eghuteuna gaꞌase te theome fatutuani na, naꞌa tangomana te mei namo ka God naugna naꞌa ne kaisei balugna mae khiloau te tolaghi naꞌa tagna na. Jame te theome tutuani igne na, thumi ghotilo re ginauna theome doglo ka tathagna God na. Nu gognaro na naugna ka nomi fatutuani ghotilo idodi kmadira, thumi ghotilo re tangomana te mei namo ka God.

Nonomho Te Keli Teke Risoi Mae Mak 10:16

Aonu mae Jisas ne salofodu goro suare rhegnai ne fablahidi.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Matiu 19:14

Nu mae Jisas ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.”

Matiu 19:16

Kaisei mae dedei majaghani ne mei ka mae Jisas, ne cheke eghu, “Velepuhi, unha glepo te keli gne nate eni iara te mala hatini nakarha fei tifa na?”