Matiu 18:24 - Buka Blahi Ka Cheke Holo

²⁴ Ka narane te funu eni mana igne, hatimare hata ne mei kaisei nogna mae gloku mana teke kaoni ka mana mola mola dola.

Matiu 18:24 Referans Kwoze

Nodi Khoje Hatimare Mae Jiu 38:4

Gognaro na iara knoho ka nakhibo jateula te knoho ka nhorora neu, eghuteuna iara theome tangomana te pala haghedi nakhibogure naugna ne tahu fara.

Luku 16:5

“Aonu mae funei gloku na ghosei ne kafe kilo meidi mae teke kaoni ka mana re. Mana ne cheke eghu ka mae ulu lahu na, ‘Nihai teke kaoni iagho ka mae funei na?’

Luku 13:4

Ba, eidi nabotho nhana naikno teke lehe ka suga brahu Siloam na kate grofo ke klignadi ira ba? Ba, naikno igre jafra fara ke tulaodi keha naiknodi Jerusalem gre sia?

Nodi Khoje Hatimare Mae Jiu 40:12

Gognaro na kmana puhi biꞌo fara te mei ka iara na. Iara theome tangomana te kahadire. Nakhibo teke edi iara re te bukri soru ghau iara re. Eghume iara gognaro na la theome tangomana te filoni kaisei nabrou aheva nate tei iara na. Nakhibo igre la kmana fara la uludi khakla te au ka phaꞌugu iara gre eghuteuna gaoghathogu iara na la theome au blagna.

Esra 9:6

ne tarai eghu, “Nogu God! Iara thono mamaja nogu fara, iara theome tangomana te ghae haghe tathagu nei foflogu teu gre te mala ari posa ka iagho kligna na. Nakhibomi ghehati gre kmana fara, ghehati nabami te papara eidi nakhibo igre. Naugna nakhibomi ghehati igre la pagu la haghe salaꞌudi phaꞌumi ghehati gre la ghilei tei posa kligna.

Luku 16:7

“Gnafa teuna mana jaola ne cheke eghu ka keha mae na, ‘Iagho ba, nihai teke kaoni iagho re?’ “Mana ne cheke eghu, ‘Kaisei thogha khara'o sopho.’ “Mae funei na ne cheke eghu, ‘Igne nou kaoni iagho na, hata riso soru nhana gobi khara'o kolho.’

Ululahu Kronikols 29:7

Mare ne tusu lao glepo igre te mala horogna nogna Sugablahi God na. Kaisei gobi fitusalei thogha kilo ka gol, eghuteuna nabotho thogha gol sileni, eghuteuna thilo gobi phiatutu glima thogha kilo ka silva, eghuteuna namno gobi nabotho thogha kilo ka bras, eghuteuna thilo mola fati gobi glimafulu thogha kilo ka aean.

Matiu 18:23

“Gaoghathogna te hata fadelei nakhibore teu igne jateula te filoni iagho ka cheke naba eigna God te funei frunidi nogna naiknore. Kaisei fata, kaisei mae funei magnahaghei teke efradi nodi kaoni mae nogna glokure.

Matiu 18:25

Nu mae gloku igne theome tangomanani teke tughu fapulo sileni te biꞌo fara igne. Aonu mae funei na ne cheke faheta ka mare mala fofoli mae igne jateula mae sneka eghu baludi nogna glepo teke khotodi mana re, baludi khetogna nei thugna teu mana re. Mae funei na eni igne mala ke tughu fapulo sileni biꞌo fara teke kaoni mana na.

Matiu 25:15

Aonu mana tusu lao sileni kmana ka thilomare leghuni nodi glalase na. Mana ne tusu lao ka kaisei mae gloku glima duku sileni. Ka keha mae gloku na, phei duku sileni. Eghuteuna, ka fatilo mae gloku na, kaisei duku sileni. Mana jifla ka namono na ne tei.

Matiu 25:16

Aonu mae gloku teke hata glima duku sileni igne ghosei ne tei loku ne tangomana teke horo haghe keha glimai.

Matiu 25:20

Mae gloku teke hata glima duku sileni na, hata ne mei balugna ka mae funei na keha glima duku silenire. Mae gloku igne ne cheke eghu, ‘Mae funei, filo sagho! Iagho neke tusu mei glima duku sileni mala reireghi iara. Aonu iara neke loku ka nou glima duku sileni iagho ra neke horo haghe keha glima duku aro.’

Matiu 25:22

“Mae teke hata phei duku silenire ne mei ka mae funei na. Mana ne cheke eghu, ‘Mae funei, filo sagho! Iagho neke tusu mei phei duku sileni mala reireghi iara. Aonu iara neke loku ka nou phei duku sileni iagho ra neke horo haghe keha phei.’

Matiu 25:24

“Aonu mae gloku teke hata kaisei duku sileni igne ne mei ka mae funei na. Mana mei ne cheke eghu, ‘Mae funei, iara lase nigho iagho kaisei mae ninhigrana fara. Naugna iagho jateula kaisei mae te rouronu te mala tei hata gano ka nagare aheva teke theome joꞌu thegna na.

Jenesis 44:10

Mae gloku na ne cheke eghu ka mare, “Nomi cheke ghotilo tuare thofno doglo fara nu jame te filoni iara mae ihei ka ghotilo te hata teu kapu na, mae igne ginauna mala nogu mae gloku iara ngala. Ghotilo keha mae ra tangomana nate ke tei nomi na eghu.”