Matiu 17:12 - Buka Blahi Ka Cheke Holo

¹² Nu te chekeni iara ka ghotilo na, mae Elija na la meihi. Eghuteuna naiknore theome laseni ngala mana. Mare neke edi kmana glepo te diꞌa ranghini mana leghudi nodi gaoghatho thedire. Nu mare ginauna na jateula tuana eghu ranghi ghau iara mae teke mei funu ka God.”

Matiu 17:12 Referans Kwoze

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Mae Khuru 4:10

Uve, iara magnahaghei te cheke ka ghotilo goro mae biꞌo ra, nei ka ghotilo naikno te gnafa agne Israel. Mae te kegra ke ulumi ghotilo igne mana neke keli fapulo ka nanghagna mae Jisas Kraes, mae gna Nasaret. Mae ihei teke tupijuruni ghotilo kau gaju fafatha, nu God neke fakarha fapuloni mana.

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Jone 1:11

Mana mei au ka nogna namono thegna na. Nu nogna naikno thegna mana re theome keli tadi ngala ka mana.

Luku 7:33

Kate mei mae Jone te theome ima nei theome koꞌu teuna naiknore ne cheke eghu, ‘Mae igne au kaisei naitu tagna signe.’

Matiu 21:32

Naugna mae Jone Apublahi neke mei falalasehi ka ghotilo nabrou te doglo te mala leghuni ghotilo na. Eghuteuna ghotilo theome fatutuani ni chekegna mana na. Nu hatimare mae te salo takis nei goro gaꞌase vine teu igre neke fatutuani ni mana. Ghotilo neke filonihi igne. Nu ghotilo heta ghemi ne tiromi tughu nagnafa nei fatutuanidi eghu chekegna mana re.”

Matiu 11:2

Kate au teu ka suga sosolo na, mae Jone Apublahi ne nomhidi unha te edi mae Kraes. Aonu mana ne kurudi keha nogna mae fanomhore ne tei ka mae Jisas.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Matiu 17:9

Kate soru mare ka thogele na, mae Jisas ne cheke faheta eghu ka thilo mae fanomhore, “Glepo te filoni ghotilo ka thogele na igne, thosei toutonuni ka iheinga ghilei thokeni narane iara mae teke mei funu ka God na teke karha fapulo ka glehe. Aonu, ame toutonuni nga ghotilo eghu.”

Matiu 17:11

Mae Jisas ne cheke eghu, “Tuana tutuani fara, mae Elija gne na kulu mei mala fadodoglo gobigna lepore.

Matiu 17:13

Aonu, thilomare ne thofno laseni mae Jisas gne cheke eigna mae Jone Apublahi.

Matiu 17:22

Ke leghugna igne, hatimare mae fanomhore ne kafe khapru ka kaisei vido jare Galili. Aonu, mae Jisas ne cheke eghu ka mare, “Iara mae teke mei funu ka God gne mare ginauna snakre lao ghau iara ka khamedi naiknore mala falehe ghau iara.