Mae Khuru 9:40 - Buka Blahi Ka Cheke Holo

⁴⁰ Mae Pita ne cheke ka naiknore mala kafe jifla ka chogho na. Aonu, mana ne tuturupuku ne tarai. Eghuteuna mana ne figri ka gaꞌase tela lehehi na ne cheke eghu, “Tabita, kegra haghe!” Naꞌa ne dofra haghe ne filoni mae Pita, ne gnokro haghe.

Mae Khuru 9:40 Referans Kwoze

Matiu 9:25

Ke leghugna te jifla te gnafa naiknore, mae Jisas ruma ka chogho te au sua gaꞌase na ne loku ka khamegna na. Eghuteuna naꞌa ghosei neke kegra haghe.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Luku 8:54

Nu mae Jisas loku ka khamegna sua gaꞌase na, ne cheke eghu, “Sua gaꞌase, kegra haghe.”

Mae Khuru 20:36

Kate chekeni igne, mae Pol tuturupuku soru baludi mare gnafa ne tarai.

Luku 22:41

Eghuteuna mana ne tei fagaꞌu katha vido ka mare. Mana tuturupuku soru pari ne tarai.

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Matiu 6:6

Nu iagho na, kate tarai na iagho ruma ka nou chogho na, eghuteuna bobotho grengatha na, eghuteuna iagho tarai poru ka mae Kmamu te theome tangomana ihei te filoi na eghu. Mana na filoni unha te eni poru iagho na eghuteuna mana ginauna taba nigho iagho.”

Mae Khuru 28:8

Kmagna mae Pablias na fogra biꞌo balu reka nei kabru thi'a. Aonu mae Pol ruma ka chogho na ne tarai, eghuteuna mana taofini neke keli fapulo.

Fapea Kings 20:11

Aonu profet Isaia ne tarai ka Lord, eghuteuna Lord ne tugha faleghu nabotho nathapla ka nathapla gna suga teke eni King Ehas tifa na.