Mae Khuru 7:34 - Buka Blahi Ka Cheke Holo

³⁴ Fanomho ka iara. Iara la filodihi nogu naikno te au papara ka namono Ijep ia. Iara nomhidihi nodi natanhire. Iara na soru mala fakarhidi. Eghume gognaro na, ghema Moses, iara nake kuru fapulo nigho Ijep.’

Mae Khuru 7:34 Referans Kwoze

Nodi Khoje Hatimare Mae Jiu 106:44

Nu kate tanhi lao mare ka mana na, mana nomhidi mare ne kokhoni nognadi, naugna mare ne au fari hotei hoholo.

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Nehemaea 9:9

“Eghuteuna kate au teku kuꞌemi ghehati Ijep ra, iagho neke filodi maedi Ijep gre neke paradi fara mare. Eghuteuna kate jifla mare Ijep te tei ka Thongna Ukru na iagho neke nomhidi mare neke tanhi ka iagho mala toghodi.

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Eksodas 3:14

God ne cheke eghu ka Moses, “Nanghagu iara na, ‘IARA IHEI TE AU FABRAHU. Iagho tei cheke eghu ka naiknodi Israel ra: God, mae ihei te kuru mei ghau iara ka ghotilo igne, nanghagna IARA.’ ”

Jone 3:13

Theo kaisei naikno tela tei thokehi kligna na, te mala lasedi unha glepo te edi kligna re. Kaisei iara mae teke mei funu ka God na ngala te lasedi te tangomana te chekedire unha te edi kligna re.

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.

Profet Hosia 12:13

Eghuteuna ka narane teke au mae Israel ka kantri Ijep, Lord neke kuruni kaisei mae profet mala tei hata fajifladi Ijep. Eghuteuna mae profet igne neke reireghi fakelidi mare.

Profet Isaia 64:1

Lord ghehati magnahaghei nigho iagho te tora maloa gne mala soru mei ka nauthoglu igne! Eghuteuna kate mei iagho na, thogele te gnafa igre ginauna filo nigho nei na mhaghu nodi fififri fara ke ulumu iagho.

Nodi Khoje Hatimare Mae Jiu 144:5

Lord God, tora sagho maloa na mala soru mei. Habo sagho khamemu are ka thogele are mala jifla mei gagahu.

Nodi Khoje Hatimare Mae Jiu 105:26

Aonu Lord ne kurudi mae Moses ghe mae Eron, phia mae teke vavahi mana re mala tei Ijep.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Naba 11:17

Iara ginauna soru mala cheke balumu iagho jare. Eghuteuna iara ginauna atha keha nolaghi gna nogu Tharunga te Blahi ka iagho ra, mala ke tufa lao ka mare. Mala tangomana mare te togho nigho mala reireghidi naiknore, mala nu theome nanga nou iagho eghu.

Jenesis 18:21

Eghume iara ginauna na soru jare mala filodi unha teke nomhidi iara ra glahula me tutuani ba chaichaghi kolho.”

Jenesis 11:7

Mei ghopa mala soru goigonini tatilo nodi cheke mare igne, mala fari ihoi mare kate cheke fari thedi na.”

Jenesis 11:5

Nu Lord ne soru mei mala filoni namono biꞌo na balugna suga teke babana mare igne.