Mae Khuru 7:30 - Buka Blahi Ka Cheke Holo

³⁰ “Ke leghugna te au Midian phiatutu finogha na, kaisei narane engel nogna God na ne thakle ka mae Moses ka namono nagou na rhegna Thogele Sanai. U engel tuana au ke lamnagna khaꞌaghi te deudeplu teu ka kaisei gaju ikoi na.

Mae Khuru 7:30 Referans Kwoze

Mae Khuru 7:35

“Mae Moses gne, naiknodi Israel gre neke tirodinihi mana tifa na ne cheke eghu, ‘Tore! Mae ihei si teke vahi nigho te mala funei fruni ghami nei fate ghami teu ghehati na ia?’ Nu mae Moses igne la God teke kuru teini te mala funei frunidi nei fakarhidi teu mare na. Mae Moses ne tangomana te eni gloku igne ka nogna tothogho engel teke filoni mana ka gaju ikoi teke gnubra na.

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Mae Khuru 7:32

God ne cheke eghu, ‘Iara nodi God mae ku'emu ra. Nogna God mae Ebraham nei nogna God mae Isak nei nogna God mae Jekop.’ Mae Moses ne fififri balu mhaghu ne tirogna filo lao ka khaꞌaghi na.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Mae Khuru 7:17

“Kate namo thoke mei narane tutuani teke nhaꞌa cheke God ka mae Ebraham ia, naiknore ne thovu nei kmana fara neu jare Ijep.

Nonomho Te Keli Teke Risoi Mae Mak 12:26

Tutuani fara ghotilo la iu'ijunihi unha God teke chekeni eigna naikno te karha fapulo ia. Ka buka teke rioriso mae Moses eigna te gnubra kaisei gaju ikoi na ia, God neke cheke eghu ka mae Moses, ‘Iara nogna God mae Ebraham, nogna God mae Isak nei nogna God mae Jekop.’

Profet Daniel 3:27

Hatimare mae minista te gnafa, mae sekretri te gnafa, mae primia te gnafa, mae biꞌo te gnafa teu ka provins igre ne mei khapru faligohodi thilo mare. Khakladi nei nodi pohe teu thilo mae igre theome gnhubra ka khaꞌaghi, eghuteuna thinidire jaola theome siri khaꞌaghidi kolho.

Nodi Khoje Hatimare Mae Jiu 66:12

Iagho neke snakredi mae naokare neke tapla soru ghami. Eghuteuna ghehati neke ruma haghe ke lamnadi vido te ninhigrana nei puhi biꞌo eghu te jateula khaꞌaghi biꞌo teu ba jateula u nabritha biꞌo. Nu gognaro na iagho kela hata fapulo ghami ka vido te keli.

Diutronomi 4:20

Nu Lord neke fakarhi ghami ghotilo ka puhi biꞌo Ijep te jateula kaisei khaꞌaghi biꞌo te brana fara ra neku, naugna mana magnahaghei ghami ghotilo te mala nogna naikno thegna, eghuteuna tahati au eghu au gognaro gne.

Eksodas 7:7

Ka narane te cheke phiamare ka king igre, Moses neke nhanasalei finogha gna, eghuteuna Eron nhanasalei thilo finogha gna.

Galesia 4:25

Hega gne gaoghathogna na Sanai eghu, kaisei thogele Arebia, nu jaola kaisei thotoghale gna namono biꞌo Jerusalem. Naugna Jerusalem gne jateula kaisei mae sneka eghu, eghuteuna naikno Jiu teke au ka namono Jerusalem igre mare jateula mae sneka eghu. Naugna mare mala leghuni nogna vetula mae Moses na.

Luku 20:37

Mae Moses neke thofno cheke thakle nihi eigna naikno te lehe na nake karha fapulo. Kau thoutonu eigna te gnubra gaju ikoi ia, mae Moses neke cheke eghu, ‘God gne nogna God mae Ebraham, nogna God mae Isak, nei nogna God mae Jekop.’

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Ululahu Kings 19:8

Aonu mana kegra haghe ne ghamu nei koꞌu neu. Eghuteuna mana rheta ne nolo nabagna phiatutu narane ne ghilei tei posa ka Thogele Sanai, nogna thogele blahi God.

Diutronomi 33:16

Snakredi nohi ghotilo are mala kafe fodu ka glepo te keli. Snakreni Lord, God mae ihei te au ke lamna khaꞌaghi te nhako kaisei gaju ikoi igne, mana keli fara ka ghotilo. Iara magnahaghedi fablahi te gnafa igre mala mei ka ghotilo vikegna mae Josep mae ihei te mae biꞌo ka mae thabusigna mana re.

Mae Khuru 7:31

Kate filoni mae Moses tuana, mana ne jaglo nogna fara. Eghuteuna mana ne tei namo rhegna gaju tuana ne filo lao. Mae Moses ne nomhini chekegna Lord na.