Mae Khuru 4:7 - Buka Blahi Ka Cheke Holo

⁷ Hatimare ne fakegradi mae Pita ghe mae Jone ke uludi eghuteuna kaisei mae ka hatimare kegra haghe ne ghusna eghu ka phiamare, “Ba, faꞌunha neu neke kelinga si mae teke lehe ghahegna na ignea? Ka unha nafnata nolaghi ba ka nanghagna mae ihei teke eni ghopa na?”

Mae Khuru 4:7 Referans Kwoze

Matiu 21:23

Mae Jisas pulo ka Sugablahi na Jerusalem ne farirhiudi naiknore. Kate farirhiu teu mana jare na, mae pris ulu nei mae biꞌo mala baubatudi naiknore eghu ne mei ka mana. Mare ne ghusna eghu ka mana, “Ghema, unha nafnata nolaghi site au ka iagho te edi iagho glepo igrea? Eghuteuna mae ihei teke tusu ari nolaghi ka iagho na?”

Nonomho Te Keli Teke Risoi Mae Mak 11:28

Mare ne ghusna eghu ka mana, “Ghema, unha nafnata nolaghi site au ka iagho te edi glepo igrea? Mae ihei teke tusu ari nolaghi te mala edi iagho igre?”

Mae Khuru 5:40

Mare kilo fapulodi mae khurure ne puphuri. Eghuteuna mare ne cheke faheta ranghidi mare mala thosei ke cheke ka nanghagna mae Jisas. Ke leghugna igne mare ne snakre teidi mae khurure.

Jone 2:18

Kate filoni unha te eni mae Jisas igne, mae biꞌodi mae Jiu gre ne diꞌatadi fara ne ghusna eghu ka mana, “Unha kofubobhoi nate eni iagho te mala laseni ghehati God neke tusu ari ka iagho nolaghi te mala edi glepo igre na?”

Mae Khuru 4:10

Uve, iara magnahaghei te cheke ka ghotilo goro mae biꞌo ra, nei ka ghotilo naikno te gnafa agne Israel. Mae te kegra ke ulumi ghotilo igne mana neke keli fapulo ka nanghagna mae Jisas Kraes, mae gna Nasaret. Mae ihei teke tupijuruni ghotilo kau gaju fafatha, nu God neke fakarha fapuloni mana.

Eksodas 2:14

Nu mae igne ne cheke eghu ka mae Moses, “Ei! Ihei teke vahi nigho iagho te mae mala reireghi ghami ghehati nei mala fate ghami ghehati teuna? Ba, iagho magnahaghei te falehe ghaula iara jateula maegna Ijep teke aknu falehe iagho gnora ia eghu?” Aonu kate nomhini igne, mae Moses ne mhaghu nogna fara, ne ghaoghatho eghu, “Naikno gre jame kafe lasenihi teke aknu falehe iara maegna Ijep gnora ia.”

Jone 8:9

Kate nomhini nogna cheke mae Jisas igne, mae biꞌodi mae Jiure ne megei nga ne sopa thei. Hatimare mae biꞌo kulu tei, eghuteuna, mae majaghani re leghu lahu. Kate kafe tei te gnafa mare na, thegna gaꞌase na ngala kegra teu balugna mae Jisas na.

Jone 8:3

Hatimare mae velepuhigna vetula nogna mae Moses nei keha mae Farasi eghu hata ne mei kaisei gaꞌase teke tolaghi pedo. Aonu, mare ne fakegrani naꞌa ke uludi naiknore.

Mae Khuru 4:6

Mae Anas, mana te mae pris biꞌo ka finogha tuana, nei mae Kaefas, nei mae Jone, nei mae Aleksada, nei mae iheire langau teke vikegna mae pris biꞌo na eghu au neu jare.

Mae Khuru 4:8

Mae Tharunga te Blahi na ne soru mei ka mae Pita, eghuteuna mana ne cheke eghu ka mare, “Uve, ghotilo mae funei ra, nei ghotilo keha mae biꞌodi mae Jiu ra.