Mae Khuru 3:8 - Buka Blahi Ka Cheke Holo

⁸ Mana ghasa haghe ka phei ghahegnare, ne funu nonolo tafri. Mana ruma baludi phiamare ka Sugablahi na ne nonolo tafri balu ghasa nei kilo fnaknoni God.

Mae Khuru 3:8 Referans Kwoze

Mae Khuru 14:10

Aonu mae Pol ne eha fabiꞌo ka mana ne cheke eghu, “Ghema, kegra haghe ka phei ghahemu are!” Mana ghosei ne ghasa haghe ne nonolo tafri.

Profet Isaia 35:6

Naikno te lehe ghahedi ra, ginauna nake ghasa jateula deer eghu. Eghuteuna iheire te iho cheke ra, ginauna na glealeꞌa nake eha fabiꞌo. Glokha nei khoꞌu biꞌo teura ginauna loloro ke lamna namono nagou.

Luku 6:23

“Ka narane tuana ghotilo gleale'a balu ragi. Naugna God ginauna na taba fabiꞌo ghami ghotilo kligna. Mae kmadire neke eghu dila nogna mae profet God tifa na jateula te eni ka ghotilo gne neku.

Jone 5:14

Kaisei fata ke leghugna igne, mae Jisas neke filoni mae igne ka Sugablahi na. Mae Jisas ne cheke eghu ka mana, “Filo sagho, iagho gognaro na kela kelihi. Eghume iagho gognaro na thosei ke eni kaisei glepo te diꞌa, na eghunu ke thoke nigho iagho kaisei glepo ke diꞌagna ignei eghu.”

Luku 18:43

Ka chekegna mae Jisas igne, tathagna mana na ghosei neke fifilo fakeli. Eghuteuna mana ne tei balugna mae Jisas ka nabrou na ne kilo fnaknoni God. Eghuteuna kate filoni naiknore unha te eni mae Jisas igne mare jaola ne kafe cheke fakelini God.

Mae Khuru 3:7

Eghuteuna mae Pita ne loku ka khame nhetagna na ne korho haghe. Ka vido tuanala, nhubra ghahegna mana te gnafare ne kafe maku fapulo.

Mae Khuru 19:16

Aonu mae te au naitu tagna igne ne kegra haghe ne tapla sorudi mae Jiu gre. Naugna mana mae ke hetadi mare hui. Mana puridi ne ghilei fnera mare, eghuteuna, leghu lahu na mana ne rerheku koko nodi pohere. Aonu mare rikha soesole ne jifla ka suga na.