Mae Khuru 27:5 - Buka Blahi Ka Cheke Holo

⁵ Ghehati kasa raru ka nhorora ke kosidi phei provins Silisia ghe Pamfilia. Aonu ghehati ne longa ka namono Maera ka Provins Lisia.

Mae Khuru 27:5 Referans Kwoze

Mae Khuru 6:9

Nu keha mae Jiu te theome fatutuani ni mae Jisas re ne funu tirodini mana. Mare au ka nodi suga tharai mae Jiu te kiloni “Nodi suga tharai mae te snagla kolho.” Suga tharai igne na maladi mae Jiu te mei funudi ka namono Saerini nei ka namono Aleksadria nei ka Provins Silisia nei ka Provins Esia. Mare mei ne magra ka mae Stivin,

Mae Khuru 13:13

Mae Pol nei iheire eghu te tei balugna re ne saghe ka vaka funu Pafos ne tei longa Pega, kaisei namono ka Provins Pamfilia. Nu mae Jone Mak ne jifla kokodi mare neke pulo Jerusalem.

Galesia 1:21

Ke leghugna igne, iara neke tei ka phei Provins Siria nei Silisia.

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Mae Khuru 21:39

Mae Pol ne cheke eghu ka mana, “Theo, iara kaisei mae Jiu neke karha Tasis ka Provins Silisia, eghume iara thofno maegu ka namono te ulu fara tuana. Mae funei biꞌo, iara magnahaghei te cheke ghu ka naikno igre sia.”

Mae Khuru 15:41

Phiamare ne tei sala'u ka phei provins Siria nei Silisia, neke farerheta khiloau jare re.

Mae Khuru 15:38

Nu mae Jone Mak gne neke tei kokodi phiamare tifa Pamfilia neke theome loku fabrahu baludi. Aonu gaoghathogna mae Pol na jame theome gaoghatho keli teke hata mae Jone Mak baludi na.

Mae Khuru 15:23

Hatimare ne tusu lao letas igne ka phiamare: Ghehati mae khuru nei mae mala baubatu ka khiloau nei kherami fofodu ka khiloau agne Jerusalem, Magnahaghei te kubae ghami ghotilo naikno khiloau te theome Jiu te au ka namono Antiok nei ka phei Provins Siria nei Silisia.

Mae Khuru 2:10

Frijia, Pamfilia, Ijep, ka nohigna Libia rhegna namono Saerini. Keha ka tahati mae Jiu mei funudi Rom kolho,