Mae Khuru 26:7 - Buka Blahi Ka Cheke Holo

⁷ Eghuteuna nabotho phei vikemi ghehati re neke pogho soru ka God bongi narane, naugna mare ofou mala filoni thoke meigna u nhaꞌa cheke igne. King Agripa, hatimare mae Jiu gre fathoro ghau iara gognaro na naugna iara jaola ofoni nhaꞌa cheke igne!

Mae Khuru 26:7 Referans Kwoze

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Ululahu Timoti 5:5

Jame kaisei thau te lehe khetogna na au kolho thegna, eghuteuna theome toghoni thegna teuna, naꞌa na nhaꞌa lao nogna fatutuani te biꞌo na ka God, eghuteuna toreni nogna thotogho God na bongi narane.

Ululahu Tesalonika 3:10

Eghuteuna ghehati tarai heta fabrahu eimi ghotilo bongi narane. Ghehati tarai mala tangomana teke filo ghami nei tusu ari tami gobigna lepo te nabami ghotilo mala farhetadi nomi fatutuani.

Filipae 3:11

Eghuteuna leghu lahu na iara magnahaghei te karha fapulo ka glehe jateula mana eghu.

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Esra 6:17

Ka narane biꞌo teke fablahigna Sugablahi igne, mare ne aknu falehe kaisei gobi buluka nalhaꞌudi, nei phia gobi sipu nalhaꞌudi, nei fati gobi sua sipu nalhaꞌudi eghu mala fafara. Eghuteuna mare aknu falehe nabotho phei nanigot nalhaꞌudi mala fafara mala gae naiknore ka tathagna Lord. Mare fafara kaisei nanigot kaisei tharakna eghu ka nabotho phei vikegna Israel.

Mae Khuru 26:2

Mana ne funu cheke eghu, “Ghema King Agripa, iara thofno gleale'a biꞌo fara te kegra ke ulumu iagho gognaro gne. Iara magnahaghei te cheke tughudi unha fathoro te eni ranghi ghau iara mae Jiu gre.

Mae Khuru 20:31

Eghume fiofilo ghami eghu ghotilo ia! Jaola, ke ghathoni igne eghu, thilo finogha iara neke cheke faheta nei farirhiu ghami ghotilo bongi narane balu tanhi.

Luku 2:25

Kaisei mae biꞌo te kiloi Simion, mana jaola au Jerusalem. Mana kaisei mae doglo fara nakarhagna na ke ulugna God nei tarai koba eghu. Mana ofoni u narane God nate fakarhadi naiknodi Israel re. Eghuteuna u Tharunga te Blahi na ne au balugna mana.

Nodi Khoje Hatimare Mae Jiu 135:2

Ghotilo iheire te kegra lamna ka Sugablahi ra, cheke fakelini mana.

Esra 8:35

Ghehati te gnafa iheire teke pulo mei funu Babilonia ra, ghehati hata neke mei glepo mala fafara ka God gna Israel. Malagna fafara te gahu te krono fara igne, ghehati hata nabotho phei buluka nalhaꞌudi nanaba ka nabotho phei vikegna Israel, eghuteuna nhevasalei namno sipu nalhaꞌudi, eghuteuna fitusalei fitu sua sipu nalhaꞌudi. Eghuteuna ghehati jaola hata nabotho phei nanigot nalhaꞌudi mala fafara mala hata fadelei Lord nakhibodi re. Igre unha teke fafara ghehati ka Lord.

Mae Khuru 24:15

Iara fatutuani jateula te edi mae igre eghu, eigna naikno te gnafa, te keli ba te diꞌa, ginauna nake karha fapulo ka glehe.

Mae Khuru 26:3

Iara thofno gleale'a fara te cheke ka iagho na. Naugna iagho lasedi fara nomi kastom ghehati mae Jiu, nei iagho lase nila eigna u nomi nafnata magra ghehati igne. Eghume iara tore nigho iagho mala fanomho fakeli ka nogu cheke iara gre.

Mae Khuru 28:20

Eigna igne site tore ghami iara te mei ghotilo gnea, mala tangomana iara te cheke ka ghotilo na. Mare haru ghau iara ka chen igne, naugna iara fatutuani ni fara mae Jisas mae ihei tahati maedi Israel te ofoni teu meigna na.”