Mae Khuru 24:12 - Buka Blahi Ka Cheke Holo

¹² Mae iheire te fathoro ghau iara igre neke theome filo deni ghau iara teke magra balugna mae ihei ke lamna Sugablahi ba faꞌeiꞌei puhi mala diꞌatagna ihei. Iara neke theome eni kaisei puhi ke lamna Sugablahi ba ke lamna suga tharai ba aheva ke lamna namono.

Mae Khuru 24:12 Referans Kwoze

Mae Khuru 25:8

Aonu, igne unha teke chekeni mae Pol mala tafragna thegna na, “Iara theome eni kaisei najafra ranghini nodi vetula hatimare mae Jiu ba ranghini Sugablahi ba ranghini mae king biꞌogna Rom.”

Mae Khuru 28:17

Thilo narane ke leghugna igne, mae Pol ne kilo fodudi hatimare mae biꞌodi Jiu te au ka namono igne mala khapru mei ka mana. Kate mei te gnafa mare na, mae Pol ne cheke eghu ka mare, “Kheraguro, iara theome eni kaisei glepo te diꞌa ranghidi naiknore, nei theome cheke faparini kaisei nodi kastom mae ku'edara. Nu neuba ngau, maedi Jerusalem mare loki ghau iara ne snakre lao ghau iara ka khamedi mae Rom.

Mae Khuru 24:18

Kate eni iara igne, mare mei ne filo ghau iara ka Sugablahi na, ke leghugna tela gaehi iara ke ulugna God na. Ka vido tuana iara neke theome eni kaisei puhi, nei jare na theome kmana naikno teke khapru faligoho ghau iara na.

Mae Khuru 24:5

“Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.

Nonomho Te Keli Teke Risoi Mae Mak 9:14

Kate ke pulo mei mae Jisas baludi thilo mae fanomhore, mare ne filodi kmana naikno ne mei khapru faligohodi keha mae fanomhore. Keha mae velepuhigna vetula nogna mae Moses te au teu jare re ne fari fapholai baludi mae fanomhore.

Jone 18:21

Naugna unha sagho te ghusna ghau iara gnea? Ghusnadi sagho naikno teke nomhidi nogu farirhiu iara re. Mare lasedihi unha teke chekedi iara re.”