Mae Khuru 2:20 - Buka Blahi Ka Cheke Holo

²⁰ U naprai na ginauna romno, nei u glaba na ginauna na ukru jateula u dadara eghu. Eghuteuna narane gna Lord te biꞌo nei siasigla teuna ginauna na thakle mei.

Mae Khuru 2:20 Referans Kwoze

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Profet Emos 8:9

Igne nogna cheke Lord God na, “Ka narane tuana, iara ginauna chekeni naprai na mala plulu farihotei naublatha, eghuteuna nauthoglu igne ginauna romno soru kate agha teu narane na.

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Ululahu Tesalonika 5:2

Ghotilo thofno laseni fara eigna theo kaisei naikno te laseni. Narane mala ke pulo meigna Lord tuana ginauna farhanidi naikno jateula kaisei mae blau te mei bongiro ia eghu.

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Profet Joel 2:1

Nogna Narane Lord te mala fatedi naiknore la namohi gognarona. Eghume, ghotilo kufli nei belo eghu ke kligna Thogele blahi Saion mala kulu laseni naiknore. Eghuteuna naikno te au ka kantri Juda igre ginauna mhaghu nei fififri eghu ka narane igne.

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.

Luku 21:25

Mae Jisas ne cheke eghu, “Keha fagaglana mamhaghuana ginauna thakle mei kau naprai, kau glaba, ba kau nathunu ka maloa gne. Naiknogna nauthoglu igne ginauna na thono mhaghu fara ka taitanhi gna galo na, ba ka longagna goighovi na.

Nonomho Te Keli Teke Risoi Mae Mak 13:24

Mae Jisas ne cheke eghu, “Ke leghugna narane te mei puhi biꞌo igne, “ ‘Naprai na ginauna romno soru. Glaba na ginauna theome agha.

Profet Joel 3:14

Kmana thogha naikno ginau khapru mei pari agne, naugna nogna Narane Lord na la namo meihi. Uve, ka narane tuana, mana ginauna fatedi naikno te gnafa te au ka namono igne.

Thakle 16:8

Fafati engel na ne tei ne totofa nogna dis na ke kligna naprai. Eghuteuna God ne snakreni naprai na mala thunu naiknore naugna brana fara.

Thakle 6:12

Aonu kate filo teu iara na, mae Lam na ne hata koko fafamno loke gna buka na. Kaisei nakheu biꞌo ne nghali tongana, eghuteuna naprai na ne theome agha. Heva te heva ka nauthoglu igne na ne kafe romno soru, eghuteuna glaba na ne ukru jateula dadara neu.

Ululahu Korin 5:5

Ka narane te salo fodu tuana, tahati lisa laoni mana ka khamegna mae Satan mala roꞌeni thinigna mana na. Ka puhi igne God ginauna tangomana te fakarhini tharunga gna mana na ka narane gna noda Lord na.

Matiu 27:45

Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Profet Jeremaea 4:23

Ka mifi igne iara ne theome filoni kaisei glepo ka nauthoglu igne. Kate filo haghe iara kligna na, iara ne filoni maloa na ne kafe romno soru.

Profet Isaia 34:8

Ka narane igne, Lord ginauna fakarhidi naikno di Saion. Mana ginauna nake tughu fapulo unha teke eni mae naokare ka naiknore.

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Profet Isaia 13:15

Jame mae naoka mei hata kaisei mae biꞌo, eghuteuna mare puri falehe thugna manare. Mae naoka igre ginauna hata nogna glepo manare, eghuteuna mare huhuruni khetogna mana na mala thuru nodi balugna naꞌa. Ka narane tuana, mana ginauna kegra filou kolho ka mare. Eghuteuna mare ginauna na jaola faleheni mana ka naflahi.”

Profet Isaia 13:9

“Tutuani, nogna Narane Lord igne la thoke meihi. Ka Narane igne, God ginauna diꞌatagna fara na snakre mei narane te ninhigrana igne. Eghuteuna mana ginauna goigoni fahui nodi namono mare igre baludi nogna naikno mana te gnognoro fara igre.

Profet Isaia 13:10

Ka narane igne, nathunu nei glaba teu igre ginauna theome agha bongiro na, eghuteuna neuba naprai na ne haghe hamerane, naꞌa ginauna theome agha kolho.”

Profet Joel 2:31

Naprai gne ginauna romno soru, eghuteuna glaba gne ginauna ukru jateula dadara eghu. Aonu ke leghugna igne, Nogna Narane Lord te mala fatedi naiknore igne ginauna thoke mei. Igne kaisei narane te mala mhaghuni naiknore.

Mae Khuru 2:19

Iara ginauna lilisei fagaglana: dadara, khaꞌaghi, nei u gagahu biꞌo kligna kau maloa nei agne pari kau nauthoglu gne mala filoni naiknore.

Mae Khuru 2:21

Aonu ihei te tore ka nanghagna Lord na, iara ginauna na fakarhidi.’