Mae Khuru 1:12 - Buka Blahi Ka Cheke Holo

¹² Aonu ke leghugna igne, mae khurure ne tei kokoni thogele te kiloi Thogele Gaju Olivi na neke pulo Jerusalem. Ka vido tuana theome thei brahu, nabagna kaisei kilomita kolho.

Mae Khuru 1:12 Referans Kwoze

Luku 24:52

Hatimare ne turupuku soru ranghini mana. Eghuteuna mare neke pulo Jerusalem balu gleale'a biꞌo fara.

Matiu 21:1

Mae Jisas baludi nogna mae fanomhore ne tei namo Jerusalem. Nu ulu lahu na, mare ne snoto ka namono ka thogele te kiloi Thogele Gaju Olivi. Funu jare mae Jisas ne kurudi phei nogna mae fanomhore mala tei ka namono na.

Luku 24:50

Mae Jisas ne batu fajifladi nogna mae fanomhore Jerusalem ne tei thoke Betani. Jare mana ne ngafa haghe khamegnare ne fablahidi mare.

Jone 11:18

Nu Betani gne theome gaꞌu Jerusalem.

Luku 21:37

Leuleghu narane na, mae Jisas ne tei ne farirhiu ke lamna Sugablahi, eghuteuna fei grafi na mana tei ka thogele te kiloi Thogele Gaju Olivi.

Matiu 26:30

Ke leghugna igne, mae Jisas baludi nogna mae fanomhore koje kaisei himu mala kilo fnaknoni God. Mare jifla ne tei ka Thogele Gaju Olivi.

Matiu 24:3

Kate gnokro mae Jisas ka Thogele Gaju Olivi, hatimare mae fanomhore mei ne ghusna poru eghu ka mana, “Ghema, niha nau thoke meidire glepo igrea? Eghuteuna unha nafnata fagaglana narane mala ke pulo meimu nei narane mala huigna teu nauthoglu igne?”

Profet Sekaraea 14:4

Ka narane tuana, mana ginauna kegra kligna ka Thogele Gaju Olivi ke kosi Jerusalem ke maghati, eghuteuna thogele igne ginauna fnota farihotei. Kaisei vido na ginauna thugha tei ke raru, eghuteuna keha vido na thugha tei ke mata, eghuteuna glogu biꞌo ginauna au farihotei, funu maghati tei posa ke mosu.

Luku 19:29

Kate mei namo ka phei namono Betifes ghe Betani, rhegna thogele te kiloi Thogele Gaju Olivi, mana ne kurudi phei nogna mae fanomhore mala kulu ulu.

Matiu 24:20

Ghotilo tarai ka God mala theome rikha ka nhigra khoburu ba ka narane Sabat.