Luku 7:44 - Buka Blahi Ka Cheke Holo

⁴⁴ Mae Jisas figri lao ka naikno biꞌo na ne cheke eghu ka mae Simon, “Filoni sagho naikno biꞌo igne! Iara mei ruma ka sugamu iagho gne, eghuteuna iagho theome famei khoꞌu mala titihi iara ghahegu gre. Eghuteuna thau igne ne titihi ghahegu gre kau kholo di phei tathagnare, nei famomoja kau khaklagna thegna re.

Luku 7:44 Referans Kwoze

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Jajis 19:21

Aonu mana hatadi ne tei ka sugagna na, eghuteuna mana jaola ne faghaghamu phei dongki igre. Ke leghu retilo ne titihi ghahedire, eghuteuna mare ghamu nei koꞌu fodu.

Jenesis 43:24

Mae gloku igne ne baludi mare ne ruma ka sugagna mae Josep na. Mana hata khoꞌu ne mei ka mare mala titihi ghahe mare, nei fagaghamu nodi dongki mare re.

Jenesis 19:2

Mana ne cheke eghu, “Phia mae biꞌo, ghopa mei ka nogu suga iara nomi mae gloku gne. Ghopa na kulu titihi gahemi are leghuni noda kastom tahati ia, eghuteuna bongi na ghopa na thuru agne ka sugagu iara gne. Eghuteuna hamerane nathuꞌu ame ke tei nga ghopa eghu.” Aonu phei engel re ne cheke eghu ka mana, “Theo. Ghepa gne ginauna na thuru ngala agne ka glalabagna namono igne.”

Jenesis 18:4

Iara ginauna na chekeni kaisei nogu mae gloku mala hata mei keha khoꞌu te mala titihi ghahe ghotilo na. Ghotilo tangomana te lao gnafa nomi ghu ke parigna u gaju igne.

Ululahu Samuel 25:41

Aonu Abigel pogho soru ne cheke eghu, “Keliu kolho. Iara jateula nogna gaꞌase gloku eghu kolho mana. Iara tarabana mala titihi ghahedi nogna mae gloku mana re.”

Jemes 2:6

Nu ghotilo ne filo faparidi iheire te kumare. Mae iheire igre te edi puhi diꞌa ka ghotilo, te hata ghami ghotilo ka fate na? Naikno te kuma gre? Theo! Naikno te dedei gre!

Fapea Samuel 11:8

Mae Devet ne cheke eghu ka mae Uraea, “Thofno keli fara, gognarona iagho tei ka sugamu na mala apu nei gnafa eghu.” Aonu mae Uraea jifla ne tei, eghuteuna king ne fatei kaisei namha ka nogna suga mana na.

Luku 7:38

Naꞌa kegra ke leghugna mae Jisas ne tanhi neu. Naꞌa ne fabobothu ka kholo tathagnare phei ghahegna mae Jisas re. Eghuteuna naꞌa tuturupuku soru ne famomoja ka khaklagna thegna te brahure ne gnangho fabrahu. Jaola naꞌa totofa kholo te sisiri keligna na ke klignadi.

Luku 7:43

Mae Simon ne cheke eghu, “Te ghathoni iara na, jame mae ihei te biꞌo fara nogna kaoni na igne.” Mae Jisas ne cheke eghu ka mana, “Iagho famane cheke tughu fara.”

Jone 13:5

Mana hata khoꞌu na ne tofa soru kau dis na ne funu titihi ghahedi mae fanomhore. Eghuteuna, mana ne famomoja ghahedi mae fanomhore ka mamango te pipichi teu thegna na.