Luku 7:2 - Buka Blahi Ka Cheke Holo

² Ka namono Kapanam, jare kaisei nogna mae gloku mae funeidi hatimare mae armi di Rom, mana thono fogra fara namo ne lehe. Mae funeidi hatimare mae armi di Rom igne, thono namhani fara nogna mae gloku na.

Luku 7:2 Referans Kwoze

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Kolose 3:22

Ghotilo naikno snekara, leghudi fabrahu nomi funeire ka gobigna lepo te edi ghotilo re. Thosei leghudi kolho kate filo teu ka ghotilo na, mala famaemahedi kolho mare. Nu famane loku ranghidi naugna ghotilo mhaghuni Lord nei magnahaghedi eni unha te keli na.

Luku 23:47

Mae pha'u mae di hatimare mae soldia di Rom kegra neu jare ne filoni unha te eni igne. Mana ne kilo fnaknoni God, ne cheke eghu, “Tuani fara, mae igne kaisei mae doglo fara!”

Luku 8:42

Mana ne eni igne, naugna kaisei ngala thugna gaꞌase mana te nabotho phei finogha gna kolho igne ne namo lehehi. Mae Jisas ne magnahaghei ne tei ka sugagna mae Jaerus na. Kate funu nolo te tei mae Jisas na, kmana naikno ne fahuahuta ne tei fari thedi rhegna mana, naugna mare magnahaghei te mei ka mana.

Matiu 27:54

Ka vido tuana kaisei mae biꞌodi hatimare mae armi nei keha mae soldia teke reireghini mae Jisas igre ne mhaghu nodi fara ka nakheu igne, nei gobigna lepo te edi ka narane tuana. Mare ne cheke eghu, “Tutuani fara, mae igne thofno Thugna God!”

Proveb 29:21

Jame te toghoni iagho nou mae gloku na funu suagna na, mana ginauna edi kmana puhi ranghi nigho iagho kate biꞌo haghe gna na.

Thoutonu Eigna Mae Job 31:5

“Iara theome leghuni puhigna mae te boho ka chaichaghi na, eghuteuna iara theome lase chaghi ka ihei.

Jenesis 35:8

Aonu kaisei naikno biꞌo te kiloi Debora gne neke lehe jare ne giugilu mare ka pesigna gaju biꞌo na fei ke mata namono Betel. Aonu mare ne kiloni gaju biꞌo igne Alon Bacath, ba “Gaju diꞌanagnafa.” Debora gne neke reireghini Rebeka khetogna mae Isak gne kani suai teku naꞌa na.

Mae Khuru 27:43

Nu mae Julias, mae funei biꞌodi hatimare mae armi gre ne theome snakredi mare te mala falehedi mae sosolo gre naugna mana magnahaghei te fakarhini mae Pol. Aonu, mana ne kafe cheke ranghidi mae iheire te lase tao re mala krofu pari tao longa mata.

Mae Khuru 27:3

Ka keha narane na ghehati ne thoke Saedon. Mae Julias ne keli fara ranghini mae Pol ne snakreni mana mala tei filodi kheragna fofodu te au ka namono tuana. Mare tangomana te toghoni mae Pol ka unha te nabagna mana na.

Mae Khuru 27:1

Kate doglohi te mala tei ghehati Itali na, mare ne snakre laoni mae Pol baludi keha mae sosolo langau ka khamegna kaisei mae funei biꞌodi hatimare mae armi. Mae igne nogna soldia mae funei biꞌogna Rom, nanghagna na mae Julias.

Mae Khuru 23:17

Aonu mae Pol ne cheke eghu ka kaisei mae biꞌodi hatimare mae armi, “Hata tei mae majaghani igne ka mae funei biꞌo ia. Naugna mana au kaisei nonomho malagna mana.”

Mae Khuru 22:26

Kate nomhini igne, mae biꞌo gna armi na ghosei ne tei ka mae funei biꞌodi mae armi re ne cheke eghu, “Ghema, unha site eni iagho gnea? Mae igne kaisei mae gna Rom!”

Mae Khuru 10:7

Kate jifla tela teihi u engel na, mae Konilias ne kilodi phei nogna mae glokure baludi kaisei mae soldia. Mae soldia igne kaisei mae keli fara nei ghatho tahuni God nei mana loku ranghini mae Konilias.

Mae Khuru 10:1

Jare kaisei mae gna Rom te au ka namono Sisaria, nanghagna na mae Konilias. Mana kaisei mae funei ka tothoghei te kiloni “Tothoghei gna Itali.” Mae Konilias gne batuni kaisei gobi mae soldia gna Rom.

Luku 7:1

Kate chekedi te gnafa mae Jisas glepo igre ka naiknore mana jifla ne tei Kapanam.

Luku 7:3

Kate nomhini mana thoutonu eigna mae Jisas na, mana ne kuru teidi keha mae biꞌo ka hatimare mae Jiu mala tei toreni mae Jisas mala mei fakelini nogna mae gloku na.