Luku 7:16 - Buka Blahi Ka Cheke Holo

¹⁶ Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Luku 7:16 Referans Kwoze

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Matiu 9:8

Naiknore filoni igne ne jaglo nodi fara balu mhaghu. Mare ne kilo fnaknoni God naugna God ne tusu lao nafnata nolaghi te biꞌo igne ka naiknore.

Luku 1:68

“Tahati kilo fnaknoni noda Lord God gna Israel! Mana mei mala togho ghita nogna naiknore nei tusu ranghi ghita u nasnagla.

Profet Jeremaea 33:9

Ka narane tuana, naikno te gnafa ka nauthoglu igne ginauna gleale'a fara eidi glepo te keli te edi iara ka namono igne, eghuteuna mare ginauna cheke fakeli ghau iara nei fafnaknoni nanghagu iara na. Mare ginauna rhana nodi fara kate nomhini nonomho eigna puhi te eni iara ka naikno te au fakeli ka pharikeli ka namono igne.

Luku 5:26

Naiknore ne kafe jaglo nodi fara ne funu kilo fnaknoni God. Mare thono mhaghu nodi fara ne cheke eghu, “Icho idomi! Unha te filoni tahati gognarogne thono jaglo noda fara.”

Luku 2:20

Mae greireghi sipure filo dedi gobigna lepo igre ne nanaba fara ka unha teke cheke ranghidi engelre. Aonu, mare neke pulo ka nodi sipure balu koje ne kilo fnaknoni God eidi unha glepo teke nomhidi nei filodi teku mare re.

Luku 1:65

Ke leghugna igne kheragna fofodu mana re ne mhaghu nodi fara eidi glepo te edi God ka mare igre. Aonu naikno heva te heva ka namono holo te au ka nohi Judia na ne toutonudi glepo igre.

Matiu 21:11

Naiknore ne cheke eghu, “Jisas, profet gna Nasaret ka nohi Galili.”

Matiu 15:31

Aonu, naiknore jaglo nodi fara kate filodi iheire teke iho chekere neke lase cheke, iheire teke blughure neke keli fapulo, iheire teke lehe ghahedire neke nonolo, nei iheire teke dofure neke fifilo fakeli. Aonu mare ne kilo fnaknoni nodi God mae Israel eigna igne.

Nodi Khoje Hatimare Mae Jiu 65:9

Iagho falalase ka naiknore te reireghini teu iagho nauthoglu igne, naugna iagho ne snakre meini ne u nakhete na mala fabuabublani glose na mala gri haghe kmana gano. God, iagho neke edi khoꞌu gre mala fodu fabrahu, eghuteuna eni glose gne mala karha te vuragha gano na maladi naiknore. Igne puhimu iagho.

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Galesia 1:24

Eghuteuna naikno khiloaure ne kilo fnaknoni God eigna unha te eni mana ka iara na.

Mae Khuru 5:5

Kate nomhini igne, mae Ananias khoko soru ke ulugna mae Pita ne lehe. Aonu naikno te gnafa te nomhini igne ne mhaghu nodi fara.

Jone 9:17

Hatimare mae Farasi gre neke fapea ghusna eghu ka mae teke dofu na, “Iagho te chekeni na mae igne ngala te fakelini dofumu na eghu, unha eghu iagho gaoghathomu themu na eigna mae igne?” Mana ne cheke eghu ka mare, “Iara gaoghathogu na mae igne kaisei mae profet.”

Jone 6:14

Kate filoni u kofubobhoi te eni mae Jisas igne naiknore ne cheke eghu, “Tutuani fara, igne ngala mae profet biꞌo mala mei ka nauthoglu gne teku ka nodi grioriso hatimare mae profet tifa ra!”

Jone 4:19

Gaꞌase na ne cheke eghu ka mana, “Mae biꞌo, iara ao la filo glani nigho nga, iagho kaisei mae profet!

Jone 1:25

mare ne ghusna eghu ka mae Jone, “Jame iagho te theome mae Kraes nei theome mae Elija nei theome mae profet teuna. Naugna unha iagho te faꞌapublahi naikno gnea?”

Jone 1:21

Mare neke ghusna eghu ka mana, “Eghume mae ihei eghu sagho? Ba, iagho mae Elija?” Mana ne cheke eghu ka mare, “Theo, iara theome mae Elija.” Hatimare neke ghusna fapuloi ka mana, “Ba, iagho mae profet te ofoni teu ghehati gne?” Mae Jone ne cheke eghu ka mare, “Theo, iara theome mae profet tuana.”

Luku 24:19

Mae Jisas ne cheke eghu ka phiamare, “Eigna unha sia?” Phiamare ne cheke eghu ka mana, “Eigna mae Jisas gna Nasaret. Mana kaisei mae profet funugna ka God. Eghuteuna nogna gloku nei nogna cheke teure thono nolaghi fara ke ulugna God nei ke uludi naikno te gnafa.

Luku 9:19

Mae fanomhore ne cheke eghu ka mana, “Kehare te chekei na, iagho mae Jone Apublahi. Kehare te chekei na, iagho mae profet Elija. Eghuteuna kehare te chekei na, iagho kaisei mae ka hatimare mae profet di tifa ra kela karha fapulo.”

Luku 8:37

Naiknodi Gerasa re kafe mhaghu nodi fara, naugna unha teke eni mae Jisas na ne toreni mana mala jifla tei delei. Aonu mae Jisas saghe ka mola na neke pulo Galili.

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Matiu 28:8

Aonu, repa ghosei chari ne tei funu ka gluma na. Repa mhaghu nodi fara, nu repa jaola thono gleale'a fara. Aonu repa chari ne tei ne toutonu ka nogna fanomho mae Jisas re.

Mae Khuru 7:37

“Mae Moses igne neke cheke eghu ka naiknodi Israel re, ‘God ginauna na fakegra ranghi ghami ghotilo kaisei mae profet jateula iara eghu.’

Luku 19:44

Mare ginauna paꞌe nomi namono ghotilo gne, baludi naikno te gnafa te au ke lamnagna. Ginauna theo kaisei thina ka kaisei suga nate au ka vido teke au gna na. Naugna ghotilo ne theome filo glanini narane nate mei God te fakarha ghami ghotilo na.”

Diutronomi 18:15

Mana ginauna kuruni kaisei mae profet jateula iara eghu mala mei ka ghotilo. Mae profet igne kaisei mae kherami ghotilo, eghuteuna ghotilo ginauna mala leghuni mana.

Luku 7:15

Mae sua teke lehe na gnokro haghe ne vuha facheke. Aonu mae Jisas neke snakre fapuloni ka idogna na.