Luku 20:39 - Buka Blahi Ka Cheke Holo

³⁹ Keha mae ka hatimare mae velepuhigna vetula nogna mae Moses gre nomhini igne ne cheke eghu ka mana, “Velepuhi, te chekedi iagho gre tutuani fara!”

Luku 20:39 Referans Kwoze

Mae Khuru 23:9

Aonu kaisei nafnaja biꞌo ne eni farihoteidi phei tothoghei igre. Keha mae velepuhigna vetula nogna mae Moses ka mae Farasi gre kegra haghe ne cheke eghu faheta, “Ghehati theome filoni kaisei najafra ka mae igne! Glahula me kaisei engel ba kaisei tharunga teke facheke mei ka mana na!”

Luku 20:38

Eghume, neuba naikno igre neke lehehi tifa, God neke chekeni ka mae Moses na mare karhau ngala. Naugna jame theome karha mare na, God jame theome chekeni te ‘Iara nogna God mae Ebraham, nogna God mae Isak, nei nogna God mae Jekop.’ Tutuani, God igne theome nodi God naikno te lehe nu nodi God naikno te karha kolho. Naugna naikno te gnafare na kafe karha ka mana.”

Luku 20:40

Tuana ngala leghu lahu gna nodi faghusna mare na. Eigna mare ne mhaghuni te ghusna keha gusna ka mae Jisas.