Luku 20:2 - Buka Blahi Ka Cheke Holo

² Eghuteuna mare ne cheke eghu ka mana, “Ghema, unha nafnata nolaghi site au ka iagho te edi glepo igrea? Mae ihei teke tusu ari nolaghi te mala edi iagho glepo gre?”

Luku 20:2 Referans Kwoze

Mae Khuru 7:27

“Nu mae te magnahaghei faleheni keha mae gne ne huju fadeleini mae Moses, ne cheke eghu, ‘Ghema, mae ihei si teke vahi nigho te mala funei fruni ghami nei fate ghami teu ghehati na ia?

Jone 2:18

Kate filoni unha te eni mae Jisas igne, mae biꞌodi mae Jiu gre ne diꞌatadi fara ne ghusna eghu ka mana, “Unha kofubobhoi nate eni iagho te mala laseni ghehati God neke tusu ari ka iagho nolaghi te mala edi glepo igre na?”

Eksodas 2:14

Nu mae igne ne cheke eghu ka mae Moses, “Ei! Ihei teke vahi nigho iagho te mae mala reireghi ghami ghehati nei mala fate ghami ghehati teuna? Ba, iagho magnahaghei te falehe ghaula iara jateula maegna Ijep teke aknu falehe iagho gnora ia eghu?” Aonu kate nomhini igne, mae Moses ne mhaghu nogna fara, ne ghaoghatho eghu, “Naikno gre jame kafe lasenihi teke aknu falehe iara maegna Ijep gnora ia.”

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Luku 20:1

Kaisei narane, mae Jisas ne farirhiudi neu naiknore ka Sugablahi na. Kate toutonuni mana Nonomho te Keli na, hatimare mae pris ulu nei hatimare mae velepuhigna vetula nogna mae Moses, nei keha mae biꞌo langau eghu ne mei ka mana.

Luku 20:3

Mae Jisas ne cheke eghu ka mare, “Iara na kulu ghusna ka ghotilo kaisei gusna.