Luku 14:32 - Buka Blahi Ka Cheke Holo

³² Eghuteuna, jame theome tangomanani mana te tapla soruni keha mae King na, mana ginauna kurudi keha mae mala tei cheke ka keha mae king na mala toreni pharikeli na.

Luku 14:32 Referans Kwoze

Mae Khuru 12:20

Kate au teu jare na, mae Herod neke diꞌatagna fara ka naiknodi phei namono biꞌo Taea nei Sidon. Aonu mae biꞌodi phei namono tuare ne loku fodu mala tei filoni mae King Herod. Ulu lahu na mare ne kulu famaemaheni mae Blastus, mae ihei te mae biꞌo ka nogna tothoghei mae gloku mae Herod re mala toghodi mana. Ke leghugna igne mare mei ne toreni u pharikeli na ka mae Herod, naugna funu tifa te mei na mare jare ka namono te funei frunini mae Herod tuana te mala foli gano koba na.

Luku 12:58

Jateula igne eghu. Kate hata nigho te tei kaisei mae ka fate na, iagho faghose fariuriu fadoglini puhi tuana farihoteimi ghopa kate theome teinga teu ghopa ka fate na. Na eghunu hata nigho tei mana ke ulugna mae mala fate na mala fate nigho mana. Naugna kate fate nigho te gnafa na, mae mala fate na ginauna snakre tei nigho ka hatimare mae pulis mala koko lao nigho lamna suga sosolo.

Matiu 5:25

“Mae ihei te magnahaghei hata nigho kau fate eigna unha teke eni fadiꞌa iagho ranghini na, iagho ghosei tei fadoglini ka mana puhi tuana. Te theo iagho na, mana ginauna na hata tei nigho ka mae mala fate. Eghuteuna, mae mala fate na ginauna snakre tei nigho ka hatimare mae pulisire. Aonu, mare ginauna hata tei nigho kau suga sosolo.

Thoutonu Eigna Mae Job 40:9

Ba, iagho nheta jateula iara eghu? Iagho tangomana te cheke fabiꞌo jateula iara te naoglagu na te jateula fila teu igne?

Matiu 5:42

Jame kaisei naikno tore glepo ka iagho, fei nogna eghu. Eghuteuna mae ihei te magnahaghei hata ghu kolho kaisei glepo ka iagho teuna, snakre lao ka mana eghu.”

Luku 14:31

“Jame kaisei mae King au nabotho thogha mae tarabana mala tei magra ka keha mae King te au varadaki thogha mae, mana ginauna na kulu lase fakelini glahula me nheta ngau nabagna te mala tapla faparini keha mae King na.

Luku 14:33

Ghotilo jateula tuana eghu mala kulu ghatho fakeli eigna puhi te mala leghu ghau iara na. Naugna mae ihei te tirogna lisa fadelei nogna gobigna lepore te mala leghu ghau iara na, mana theome tangomana te kaisei nogu mae fanomho iara na.”

Luku 19:14

“Nu naiknogna namono teke jifla kokoni mana igne ne theome magnahagheni mana. Aonu, mare ne kurudi keha mae ke leghugna mana mala tei cheke eghu, ‘Ghehati theome magnahaghei nigho te mala nomi king ghehati na!’