Luku 1:18 - Buka Blahi Ka Cheke Holo

¹⁸ Mae Sekaraea neke cheke fapulo ka engel na, “Faꞌunha eghume laseni iara glepo igne ne tutuani teuna eghu? Naugna ghepa gne la kafe naikno biꞌo hi.”

Luku 1:18 Referans Kwoze

Jenesis 17:17

Mae Ebraham ne pogho soru pari ne maꞌe. Mana ne jaglo nogna ne cheke eghu ka thegna, “Tore, jateula iara mae tela kaisei gobi finoghagu hi gne eghu site mala ke au sua na ia? Eghuteuna Sera gne teuna la nheva salei finogha gnahi gognaro na la theome tangomanahi te au sua na.”

Luku 1:34

Meri ne cheke eghu ka engel na, “Faꞌunha eghu tangomana te chekeni iagho gne? Eigna iara gne theo khetogu!”

Fapea Kings 7:2

Kaisei mae biꞌo te tei koba balugna king na ne cheke eghu ka mae Elisa, “Iagho chaghi! Neuba Lord ne tothora maloa na ne tofa soru gano gna kligna na gognarogne meuna, foligna gano na theome tangomana nate soru na!” Mae Elisa ne cheke eghu ka mana, “Iagho ginauna filoni ka tathamu themu na glepo igne, nu iagho ginauna na theome ghamuni kaisei glepo ka gano igre.”

Jenesis 15:8

Nu mae Ebram ne cheke eghu, “Lord God, faꞌunha eghu laseni iara namono igne nate nogu iara na?”

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Profet Isaia 38:22

Eghuteuna King Hesekaea ne ghusna eghu ka mae profet Isaia, “Unha nafnata fagaglana nate filoni iara te mala laseni iara na teke karha iara ginauna, mala teke tei tarai iara ka Sugagna Lord na?”

Jenesis 18:12

Aonu naꞌa ne maꞌe ka thegna ne cheke eghu, “Ghepa gne la kafe naikno biꞌohi te mala karha sua na!”

Letas Teke Riso Tei Mae Pol Ka Khiloau Rom 4:19

Ka narane tuana mae Ebraham namo thokeni kaisei gobi finogha, theome naba te au sua na naugna thinigna mana na la glaꞌe farahi jateu tela lehehi eghu. Eghuteuna Sera na ne khara jaola ne theome tangomana te au sua na. Nu neubane laseni mae Ebraham igne, mana theome nigra soru ka nogna fatutuani na.