Luku 1:10 - Buka Blahi Ka Cheke Holo

¹⁰ Ka vido tuana, naikno te kmanare ne tarai neu kosi.

Luku 1:10 Referans Kwoze

Levitikas 16:17

Eghuteuna kate mei mana lamna ka Chogho te Thofno Blahi fara na te mala edi glepo ranghini mana balu tharakna gna nei iheire te gnafa Israel mala klino ka tathagu iara na, theo kaisei naikno te au lamna ka Suga Tapuale te Blahi na ghilei thokeni narane te gnafadi glepo igre.

Thakle 8:3

Aonu kaisei engel mei ne kegra ka olta na. Eghuteuna mana louloku kaisei tapera teke hohoro ka gol te fodu ka insens. Hatimare ne tusu ranghini mana kmana insens mala salo fodu baludi nodi tharai nogna naikno God re. Eghuteuna mana ne fafara ka olta teke hohoro ka gol te kegra teu ke ulugna nogna sape nafnakno mae King na.

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Profet Esikiel 46:3

Leuleghu narane Sabat, nei leuleghu Gaghamu Khafa teuna naikno gna namono na mala pogho soru mala tarai ka iara ke ulugna grengatha igne.