Levitikas 6:9 - Buka Blahi Ka Cheke Holo

⁹ “Cheke ka mae Eron baludi thugna mana ra cheke igne: Igne vetula gna fafara te thofno krono na. Fafara te thofno krono igne te mala atha te mei ghotilo leuleghu rafi na, fafara igne mala au ke kligna olta ghilei hamerane, eghuteuna mae pris mala reireghi khaꞌaghi gna olta na mala dudulu fabrahu bongi thongana na.

Levitikas 6:9 Referans Kwoze

Naba 28:3

Igre fafara blahi te mala fafara ka Lord na: Leghu rane na, ghotilo mala fafara phei sipu nalhaꞌudi te kaisei finoghadi nei theo kaisei thubu ka thinidi teu are.

Naba 28:9

Lord neke cheke eghu, “Neubane gahu ghotilo fafara re leghu rane, ghotilo ginauna ke eni keha fafara na leghu narane sabat. Leuleghu narane sabat na, ghotilo ginauna fafara phei sipu nalhaꞌudi te kaisei finoghadi are, nei te theo kaisei thubu ka thinidire eghu. Ghotilo ginauna gahu phei sipu tuare balu phei kilo flaoa ka wit te famanedi teke ngingo ghotilo balugna oliv oel ia. Eghuteuna ghotilo ginauna ke fafara waen balugna fafara igne.”

Levitikas 6:8

Aonu Lord ne cheke eghu ka mae Moses,

Levitikas 2:3

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 2:10

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 6:19

Lord ne cheke eghu ka mae Moses,

Levitikas 24:9

Bret igre ghegna pris biꞌo baludi tharakna gna mana re. Bret igne ghedi mare fabrahu. Eghuteuna mare ghamu lamna ka vido aheva te blahi na naugna kaisei baludi glepo blahi te famei ka iara Lord.”