Levitikas 26:5 - Buka Blahi Ka Cheke Holo

⁵ Eghume, ghotilo ginauna au ghemi kmana gano salaꞌudi unha ghotilo tangomana te ghathodi. Eghuteuna ghotilo ginauna au ghemi kmana sisi grep salaꞌudi unha ghotilo tangomana te ghathodi. Eghuteuna ka nomi vido ghotilo re ginauna fodu ka gano, eghuteuna ghotilo ginauna tangomana te au fakeli.

Levitikas 26:5 Referans Kwoze

Profet Emos 9:13

Lord neke cheke eghui, “Kaisei narane, glose igne ginauna nake keli, eghuteuna gano re ginauna kmana fara ke lamna nagare, eghuteuna naiknore ginauna theome naba nate hata fahuidi re. Jaola ka narane tuana, sisidi gaju grep re ginauna kmana fara, eghuteuna mae nalhaꞌure ginauna theome naba nate ei waen tagna na. Eghuteuna mare tangomana te ei kmana waen fara te jateula kholodi sisi igre te thofa soru ka geri thogele na te pila glose naia eghu.” Igne nogna cheke Lord.

Profet Joel 2:26

Ka narane igre, ghotilo ginauna nake gleale'au, naugna ghotilo ginauna nake au ghemi kmana gano. Ghotilo ginauna cheke fakelini nanghagu iara nomi Lord nei nomi God, naugna iara neke edi kmana glepo te keli ranghi ghami ghotilo. Eghuteuna theo kaisei naikno nate famamaja ghami ghotilo na.

Profet Joel 2:19

Lord ne fanomho ka nodi tharai naiknore ne cheke eghu, “Iara ginauna tusu ari kmana gano, waen nei oliv oel eghu ka ghotilo mala keli tami ghotilo. Eghuteuna naiknodi keha kantri igre ginauna theome tangomana nate cheke fadiꞌa ghami ghotilo na.

Proveb 1:33

Nu iheire te fanomho ka iara re, mare ginauna au fakeli nodi fabrahu. Uve, mare ginauna theome mhaghuni kaisei glepo.”

Diutronomi 11:15

Eghuteuna ghotilo ginauna au kmana buburu mala ghamu ghedi nomi glepo tautagu te oho ghotilo are. Eghume, ghotilo ginauna au ghemi gano te gnafa te magnahaghedi ghotilo re.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Mae Khuru 14:17

Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Nodi Khoje Hatimare Mae Jiu 90:1

Lord, funu tifa tela ghilei mei posa gognaro gne, iaghou ngala te jateula sugami teu ghehati na.

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Profet Hosia 2:18

Ka narane tuana, iara ginauna na eni kaisei nhaꞌa cheke baludi bosu, buluka, nanghaji, nei mogo teu igre mala thosei mei goigonidi nogu naikno iara igre. Eghuteuna iara ginauna hata fadelei naflahi, phaloho, nei thua nafnata glepo te mala magra are mala au mare kau pharikeli ka nauthoglu igne.

Nodi Khoje Hatimare Mae Jiu 144:13

Ghehati magnahaghedi ghemi nagare gre te au kmana ganodi fara, mala fodu nomi belare ka gano te keli. Ghehati jaola magnahaghedi nomi sipure te au kmana thudi.

Profet Isaia 1:19

Jame te leghu ghau iara ghotilo na, iara ginauna togho ghami ghotilo te mala au fakeli ghotilo na, eghuteuna ghotilo ginauna au ghemi gano te keli ka nomi nagare are.

Profet Isaia 30:23

Ka narane tuana, Lord ginauna kuru soru mei nakhete mala karha unha teke joꞌu ghotilo ka nagare ra. Ghotilo ginauna au ghemi kmana gano, eghuteuna nomi buluka, sipu, nanigot nei hose teu are ginauna na jaola au ghedi kmana buburu te mala ghamu na.

Profet Hosia 2:20

Iara ginauna na leghuni nogu nhaꞌa cheke teke eni iara ka iagho ia mala au balumu fabrahu tifa tifa. Iagho lase ghauhi iara te nou God iagho na.

Profet Joel 2:22

Ghotilo glepo te tautagu ra! Ghotilo thosei mhaghu. Buburu ra kela thugru fapulo. Gaju ra kela ure fapulo. Eghuteuna gaju fig nei grep teura jaola kela ure fapulo.