Levitikas 26:39 - Buka Blahi Ka Cheke Holo

³⁹ Eghuteuna tothoghei ikoi iheire te karha nga teu ka ghotilo igre, ghotilo ginauna diꞌa nagnafami fara ka nodi vido nomi naoka ghotilore. Uve, ghotilo ginauna diꞌa nagnafami fara eidi nakhibomi themi re, nei nakhibodi kuꞌemi ghotilo ra.”

Levitikas 26:39 Referans Kwoze

Profet Esikiel 33:10

Lord ne cheke eghu ka iara, “Maegna ka nauthoglu. Iagho mala cheke eghu ka naiknodi Israel, ‘Iagho cheke eghu: Faꞌunha eghu ginauna ame karha nga ghehati? Puhimi ghehati te diꞌa gre jateula kaisei glepo tahu te pala teu ghehati ra eghu. Ghehati thofno glaꞌe soru ka nakhibomi gre.’

Profet Esikiel 24:23

Ghotilo ginauna na theome hata koko pohe diꞌanagnafa igne ka phaꞌumi re, ba hata koko sandol ka ghahemi are. Ghotilo ginauna na theome diꞌanagnafa nei tanhi eghu, nu ghotilo ginauna tanhi faꞌikoi kolho eghuteuna ghotilo ginauna glaꞌe fara ka nakhibomi are.

Profet Esikiel 6:9

Uve, kate au teu mare ka vido aheva teke hatadi teke tei mae naokare igre teke au tagna na, mare ginauna nake ghatho fapulo ghau iara. Mare ginauna laseni te diꞌatagu fara iara na, naugna mare la ghatho koko ghauhi iara ka nagnafadire, eghuteuna magnahagheni kolho te leghudi nodi mumuju thedire ke tulaogu iarai. Mare ginauna tirodi edi puhidi te diꞌa re.

Diutronomi 28:65

Eghuteuna ka keha namonore, ghotilo ginauna na theome tangomana te filoni pharikeli ba vido mala gnafa. Eghuteuna theo kaisei namono te ghathoni ghotilo ne nomi namono themi teuna. Ghotilo ginauna nanga nomi fabrahu, eghuteuna gaoghathomi ghotilo re na theome tangomana te au blagna na, aonu gaoghathomi ghotilo re ginauna glaꞌe soru.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Profet Sekaraea 10:9

Neuba iara ne lisa laodi ne tei au tafri ka keha kantri delei, nu mare ginauna ghatho ghau iara kolho. Eghuteuna mare baludi thudi re, mare ginauna tangomana te karha teu na teke pulo mei ka thofno nodi namono re.

Profet Hosia 5:15

Uve, iara ginauna nake pulo mei ka nogu namono na mala ghilei filo glani mare najafra teke edi thedire. Kate au ka hoholo na, mare ginauna nake figri mei nake hiro ghau iara.”

Profet Esikiel 36:31

Ka narane tuana, ghotilo ginauna nake ghatho fapulodi gobigna lepo te diꞌa teke fathona ghami themi ka tathagu iara na, eghuteuna ghotilo ginauna theome magnahaghedi puhimi te diꞌa teke edi ghotilo tura.

Profet Esikiel 20:43

Ka narane tuare, ghotilo ginauna nake ghatho fapulodi gobigna lepo te diꞌa teke fathona ghami themi ka tathagu iara na, eghuteuna ghotilo ginauna tiromi ghami themi ka puhimi te diꞌa re.

Profet Esikiel 18:19

“Nu ghotilo mala ghusna eghu koba, ‘Naugna unha si thugna mae igne te theome papara eidi nakhibogna mae kmagna grea?’ Naugna mae thugna mana igne edi koba unha glepo te doglo nei keli teure, eghuteuna mana leghudi fabrahu vetula re, mana ginauna theome lehe.

Lamentations 4:9

Mare theo ghedi gano ka nagare, eghuteuna mare thono rofo nodi fara. Te keli na mare nabadi te lehe na, jateula iheire te lehe ka magra ra eghu.

Profet Jeremaea 31:29

“Eghuteuna, ka narane igne naiknore ginauna na theome cheke eghu: “ ‘Idoda kmada ra neke ghamu sisi grep te theome muita. Nu grahagna na theome khoko ka foflodi gradire.’

Profet Jeremaea 29:12

Ka narane tuana, ghotilo ginauna mei ka iara mala tarai ka iara, eghuteuna iara ginauna na nomhi ghami ghotilo.

Profet Jeremaea 3:25

Ghehati mamaja nomi fara ka unha te edi themi igre. Ghehati baludi kuꞌemi tifara jaola tapla jafra ka nakhibo ke ulumu iagho Lord, nomi God. Funu tifa te ghilei mei posa ka narane igne ghehati theome leghu nigho.”

Nehemaea 1:9

Nu jame teke figri mei ghotilo ka iara na, eghuteuna leghudi ghotilo nogu cheke iara gre teuna, iara ginauna nake hata fapulo ghami ghotilo. Neuba ghotilo ne tei au tafri delei fara ka nauthoglu igne, iara ginauna hata fajifla ghami ghotilo ka vido igne mala hata ghami ghotilo mala ke pulo mei ka vido aheva teke kulu vahini iara te mala tarai ghotilo ka iara na.’

Diutronomi 30:1

Mae Moses ne cheke eghu, “Iara la chekehi puhi nate tangomana Lord nate fablahi ghami ghotilo na, nei puhi nate tangomana te mala thoke ghami ghotilo puhi biꞌo na. Eghume kate thoke ghami ghotilo gobigna lepo igre na, neuba ne unha nafnata kantri Lord nomi God vahini mala au ghotilo teku na, ghotilo mala ghaoghatho eidi u farirhiu igre.

Diutronomi 5:9

Ghotilo thosei pogho soru ka kaisei mumuju ba tarai tagna, naugna iara Lord, nomi God ghotilo, iara theome magnahaghei ghami ghotilo te ghatho tahuni kaisei god delei. Puhigu iara na jateula: iheire te tirodi ghau iara, nei tei koko ghau iara teu igre, iara ginauna paradi mare baludi thudi, nei gradi teure ghilei thokedi fapea gradi mare ginaure.

Naba 14:18

Tifa na, iagho neke nhaꞌa cheke eghu, ‘Iara ngala Lord na, eghuteuna iara theome tangomana te ghosei diꞌatagu na. Leuleghu fata na iara ghatho tahudi koba nogu naiknore. Iara ginauna atha fadelei nakhibodi nei puhi te diꞌa teu ka nogu naiknore. Nu iheire naikno te edi glepo te diꞌare, iara ginauna paradi mare baludi thudi, gradi, fapea gradi, nei fatilo gradi teu te ginau karha mei ke leghudi mare re.’

Eksodas 34:7

Iara thofno namhadi koba nogu naiknore, nei iheire nate karha mei ke leghudi mare ghilei thokeni kmana thogha finogha. Iara tangomana te atha koko nakhibodi re jame te edi mare glepo te diꞌare, ba figri tagru ghau iara, ba edi thua nafnata nakhibo. Nu iheire te gnafa te leghudi fabrahu puhi te diꞌa re, iara ginauna paradi mare, baludi thudi te gnafa nei gradi te ikodi te gnafa teu mare re, ghilei thokeni fapea gradi nei fatilo gradi nate karha mei ke leghudi mare.”

Profet Isaia 14:21

Hata mei thugna king ra mala aknu falehe agne. Uve, mare mala kafe lehe eidi puhi te diꞌa teke edi mae kuꞌedi tifa ra. Eghuteuna ginauna theo kaisei ka mare na teke funei fruni ni kantri igne, ba horo nodi namono biꞌo heva heva ka nauthoglu igne.”

Profet Isaia 24:16

Tahati ginauna nomhidi naikno te au ka keha phile nauthoglu igne ginauna koje mala cheke fakelini God mae ihei te doglo fabrahu. Nu iara na cheke eghu, “Ghema! Iara la lehehi! Eghuteuna thinigu iara na la jaola nhubragna kolho! Mae kheragu iara re chaghi kolho ka iara, eghuteuna mare snakre lao ghau iara ka khamedi nogu naokare. Leuleghu fata na, puhidi mare te mala chaghi na raꞌe diꞌa la salaꞌui.”

Lamentations 1:3

Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.

Diutronomi 8:20

Uve, jame te theome leghuni Lord ghotilo na, mana ginauna goigoni ghami ghotilo jateula teke thofno goigonidi fara mana naikno te au glose nate tei posa ghotilo tagna na.”

Fapea Kronikols 34:24

“Igne chekegna Lord na, ‘Iara ginauna goigonini Jerusalem, nei paradi nogna naiknore jateula thibri te gnafa te chekeni ka buka teke iuꞌijuni ghotilo ke ulugna king gna Juda igre.

Esra 9:7

Funu ka naranedi kuꞌemi tifa ra tela ghilei mei posa ka narane gognarogne, thofno nabami fara te papara fara eidi nakhibomi igre. Naugna nakhibomi ghehati igre, iagho lisei lao ghami baludi nomi king nei nomi pris teu igre ke paridi nodi nolaghi nomi naoka gre. Mae naoka igre aknu falehe keha ka ghehati, eghuteuna hata kehare mala loku jateula naikno sneka eghu, eghuteuna mare blau nomi gobigna lepo ghehati re. Mare famamaja ghami fara ghehati, glepo igre edi fabrahu la ghilei mei posa ka narane gognaro gne.