Levitikas 26:25 - Buka Blahi Ka Cheke Holo

²⁵ Iara ginauna snakreni magra biꞌo na mala roꞌeni nomi vido ghotilo na, mala para ghami ghotilo naugna ghotilo ne huhughuni nhaꞌa cheke teke eni iara balumi ghotilo ia. Eghuteuna jame te rikha te tei poru ghotilo ka vido keli ka nomi namonore, iara ginauna kuru ari thua nafnata fogra mala thoke ghami ghotilo, eghuteuna iara ginauna snakre lao ghami ghotilo ka khamedi nomi naoka ghotilo re.

Levitikas 26:25 Referans Kwoze

Naba 14:12

Iara ginauna falao kaisei khabru te diꞌa mala lehe mare. Nu iara ginauna eni nigho iagho mala kuꞌedi keha vike teke biꞌo nei ke nhetadi mare teu are.”

Profet Esikiel 5:17

Thumi ghotilo re ginauna lehe ka grofo, eghuteuna iara ginauna jaola kuru mei khuma mhata mala falehedi mare. Iara ginauna snakre ghami ghotilo mala lehe ka kaisei fogra te diꞌa eghuteuna snakreni magra na mala thokedi namono ghotilo gre. Iara Lord te chekeni igne.”

Profet Esikiel 33:2

“Maegna ka nauthoglu. Iagho tei cheke eghu ka kheramu ra, ‘Leuleghu fata na iara snakreni magra na mala tei posa ka kaisei kantri, mare vahini kaisei mae mala nodi mae greireghi mare.

Profet Esikiel 29:8

Eghume iara Lord God ginauna kuru ari soldia mala ari magra ka iagho. Uve, mare ginauna ari aknu falehe gnafa nou mae nheta iaghore, baludi nou glepo tautagu iaghore.

Profet Esikiel 20:37

Iara ginauna huhuru ghami ghotilo mala leghuni u nhaꞌa cheke teke eni iara balumi ghotilo ia, eghuteuna fofota naikno te diꞌa re ka naikno te keli re eghu, jateula mae ihei te greireghi sipu te fofota nogna sipsip ra eghu.

Profet Esikiel 14:17

“Neuba jame te snakredi iara mae naoka gre te mei magrani kantri igne, eghuteuna aknu falehe mare naikno te gnafa nei glepo tautagu te gnafa teure, thilo mae igre ginauna theome fakarhidi mare kolho. Iara eni nhaꞌa cheke te rheta igne ka nanghagu iara Lord mae ihei te karha fabrahu tifa te tifa: Neuba jame thudi thilo mare igre au meu ka namono igne meuna, thilo mare ginauna na jaola theome fakarhidi mare. Thilo mare ginauna fakarhidi thedi kolho.

Profet Esikiel 6:3

Iagho cheke eghu, ‘Ghotilo thogele Israel ra! Faghano fanomho mei ka nogna cheke Lord igne! Lord ne cheke eghu ka thogele, nei ka fanukhu, nei ka khoꞌu biꞌo, nei ka gloha teura: Iara thegu na ginauna snakreni magra na mala mei thoke ka namonomi ghotilo gre, eghuteuna iara na snakredi mae naoka gre mala goigonidi nodi vido blahi mumuju god te au ka ghotilo igre.

Profet Jeremaea 24:10

Iara ginauna kuru meidi mae naokare mala mei falehedi mare mala krogha theo naiknogna glose teke tufa iara ka mae kuꞌedi mare tifa ra.”

Diutronomi 32:25

Ka nabrou are naoka ginauna mei akni falehedi thumi nalhaꞌu majaghani nei gaꞌase majaghani teu ghotilo are. Eghuteuna ka suga re naiknore ginauna kafe mhaghu nodi fara. Mae majaghani, nei gaꞌase majaghani, goro sua nei naikno biꞌo teu are ginauna kafe lehe.

Diutronomi 28:21

Eghuteuna Lord ginauna snakre ari fogra biꞌo ka ghotilo mala ghilei lehe fahui ghotilo, eghuteuna theo kaisei naikno nate au ka glose aheva nate tei te au ghotilo tagna na.

Luku 21:11

Ginauna nakheu biꞌo, fogra biꞌo ba keha puhi biꞌo ka namono te kmana gre. Jare naiknodi keha namonore ginauna na theo gano te mala ima na. Kmana glepo mamhaghuana, nei kmana fagaglana te biꞌo eghu ginauna na kafe mei funu kligna.

Profet Emos 4:10

“Iara na snakreni kaisei fogra te thono diꞌa fara mala para ghami ghotilo, jateula teke eni iara ka mae kuꞌemi ghotilo Ijep tifa ra eghu. Eghuteuna iara na snakredi hatimare mae naoka mala falehedi nomi mae majaghani ghotilo are. Eghuteuna snakredi mare mala hata nomi hose ghotilo are. Iara na lisa lao thinidi naikno te lehe ka magra re mala siri boto ka namonomi ghotilo are. Nu neuba, ghotilo theome magnahaghei teke pulo mei ka iara na.

Lamentations 2:21

“Neubane naikno majaghani ba naikno biꞌo, mare kafe lehe ke lamna nabrou. Nalhaꞌu ba gaꞌase, naoka mei neke aknu falehedi ka naflahi. Iagho themu ngala teke aknu falehedire ka narane teke diꞌatamu iagho ra, eghuteuna iagho neke theome kokhoni noudi kolho.

Profet Jeremaea 9:16

Iara ginauna kuru fajifladi mala tei au tafri mare ka kantri aheva mare nei kuꞌedi tifa ra eghu te theome laseni. Eghuteuna iara ginauna kurudi hatimare mae armi mala tei falehedi mare.”

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!

Fapea Samuel 24:15

Aonu Lord ne snakre mei kaisei fogra te thono diꞌa fara ka naiknodi Israel, funu ka hamerane tuana tei posa ka narane teke chekeni mana na. Eghuteuna fitu salei thogha naikno ne lehe ka fogra igne, funu ke raru Dan tei posa ke mata Bereseba.

Diutronomi 32:41

iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re.

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Naba 16:49

Nihai te lehe ka narane tuana thokeni nabotho fati thogha, fitu gobi, nu mare theome kahadi iheire teke lehe ka puhigna Kora.

Levitikas 26:6

“Iara ginauna togho ghami ghotilo mala au fakeli ka nomi kantri igne, eghuteuna ghotilo ginauna tangomana te thuru fakeli na eghuteuna bongiro na ghotilo ginauna theome mhaghuni kaisei glepo. Glepo tautagu te lase falehe naikno igre iara ginauna ngolhi fajifladi ka nomi vido ghotilo re, eghuteuna ginauna theo kaisei magra nate mei ka nomi kantri ghotilo igre.

Naba 31:3

Aonu mae Moses ne cheke eghu ka naiknore, “Ghotilo ginau kaikaliti nomi glepo mala magra re mala tei magra ka naiknodi Midian, eghuteuna Lord ginauna paradi mare ka unha teke edi mare re.

Jajis 15:11

Aonu thilo thogha soldia di Juda tei ka gluma Etam ne cheke faheta eghu ka Samson, “Theome lasedi sagho maedi Filistia te funei fruni ghita tahati grea? Unha sagho te eni ka ghehati gnea?” Nu Samson ne cheke eghu, “Iara eni igne mala ke tughu fapulo unha teke eni mare ka iara na.”

Ululahu Kings 8:33

“Glahu mei magra mae naoka gre uludi nou naikno iagho Israel igre, naugna mare tapla jafra ka nakhibo ranghi nigho iagho. Nu mare nake pulo mei ka iagho, eghuteuna mare na mei ka Sugablahi igne mala cheke fakelini nanghamu iagho na, eghuteuna mare na chekeni iagho na nodi God mare teuna, eghuteuna mare tarai ka iagho mala hata fadelei iagho nakhibodi re.

Ululahu Kings 8:37

“Glahu thoke mei narane te theo gano, ba fogra biꞌo, ba muno, ba cheche, ba naoka te mei te goigonidi nomi namono gre.

Profet Jeremaea 50:28

Profet ne cheke eghu, “Fanomho mei ka kherada teke tei au Babilonia teke la pulo mei Jerusalem igre. Te chekeni mare na noda Lord God tahati igne kela tughu fapulo glepo te diꞌa teke edi naiknodi Babilonia ka nogna Sugablahi mana ra.”

Profet Jeremaea 51:11

“Lord ne cheke ka nagnafadi hatimare mae king di Media mala tei magra mare Babilonia, naugna mana magnahaghei te roꞌeni Babilonia. Lord ginauna tughu fapulo glepo te diꞌa teke edi mae Babilonia ka Suga gna Mana ra. Hatimare mae komanda ne cheke eghu, ‘Tarabana nomi jata ra! Tarabana nomi greoreo ra!’

Eksodas 5:3

Nu Eron ghe Moses heta ghedi fabrahu ne cheke eghu, “Nomi God ghehati mae Hibru neke chekehi balumi ghepa. Snakre ghami ghehati sagho mala tei ghehati ka namono nagou gno mala fafara ka Lord nomi God nabagna thilo narane. Jame te theome eni ghehati igne na, God ginauna falehe ghami ka fogra ba kau magra.”

Fapea Kings 17:3

Ka narane tuare, King Salmanesa gna Asiria neke mei magra ka mana. Mae Hosea lisa laoni thegna ka khamegna King Salmanesa, eghuteuna mae Hosea ne foli takis biꞌo ka mana.

Fapea Kronikols 24:24

Soldia di Siria igre theome kmana fara, nu Lord toghoni armigna Siria igne mala uludi soldia di Juda te kmana fara re. Mana eni igne naugna naiknodi Juda gre ne lisa kokoni Lord nodi God kuꞌedi mare tifa ra. Eghume ka puhi igne, Lord ne parani King Joas.

Profet Isaia 1:20

Nu jame te tiromi leghuni ghotilo nogu cheke iara igne te figri tagru ghau iara na, iara ginauna snakredi mae naokare mala mei falehe ghami ghotilo.” Iara Lord te chekeni igne!

Profet Isaia 65:12

Nu iara ginauna vahini kaisei nomi narane ghotilo. Hatimare mae naoka ginauna mei falehe ghami ghotilo ka magra, naugna ka narane te kilo ghami iara na, ghotilo theome cheke tughu ka iara. Eghuteuna kate cheke iara ka ghotilo na, ghotilo theome fanomho ka iara. Leuleghu fata na, ghotilo tiromi leghu ghau iara, eghuteuna ghotilo vahidi koba glepo te diꞌare.”

Profet Jeremaea 19:7

“ ‘Eghuteuna ka vido igne iara ginauna goigonidi nodi gaoghatho maedi Juda nei Jerusalem. Iara ginauna snakredi nodi naoka mare are mala falehedi mare ka magra. Eghuteuna iara ginauna snakre lao ka nanghaji nei ka glepo te tautagu eghu mala ghamu fateo thinidire.

Profet Hosia 11:6

Uve, naugna te leghudi kolho mare gaoghathodi thedire, mae naokare ginauna mei goigoni nodi namono biꞌo mare na. Eghuteuna grengathagna nodi namono biꞌo mare igne ginauna groꞌe theo tokagna.

Profet Habaku 3:5

Iagho kuru mei kmana nafnata khabru. Eghuteuna ke leghu na, iagho snakre mei fogra biꞌo mala lehe naiknore.