Levitikas 25:44 - Buka Blahi Ka Cheke Holo

⁴⁴ “Eghume, jame te magnahaghei au nomi naikno sneka ghotilo na, ghotilo tangomana te tei foli nalhaꞌu ba gaꞌase ka keha kantri te au falithui ghami ghotilo are.

Levitikas 25:44 Referans Kwoze

Eksodas 12:44

Naikno teke foli ghotilo mala nomi naikno gloku teu are, te tohi fagaglana hi mare na, mare tangomana te ima na. Nu jame ihei te mei au balumi ghotilo katha vido kmoꞌei kolho, ba ihei te mei loku nogna sileni teu kolho na theome naba te ima na.

Eksodas 21:21

Nu jame mae sneka ba gaꞌase sneka igne lehe ke leghu kaisei ba phei narane, ghotilo thosei parani mae igne, naugna mana neke lisanihi nogna sneka igne eigna nogna sileni biꞌo.

Levitikas 25:43

Ghotilo thosei fanolidi naikno te kuma re naugna ghotilo mala ghatho tahu ghau iara kolho, nomi God ghotilo.

Levitikas 25:45

Eghuteuna ghotilo tangomana te foli kaisei naikno sneka ka naikno phosa te au balumi ghotilo are. Eghuteuna thudi naikno phosa teke karha ka nomi glose ghotilo are, ghotilo tangomana te tajidi mala nomi sneka ghotilo.