Levitikas 23:6 - Buka Blahi Ka Cheke Holo

⁶ Eghuteuna ka nabotho glima narane gna nhigra igne, ghotilo ginauna mala fufunu Narane biꞌo gna Bret te Theo Isi gna tuana. Narane biꞌo tuana eni nabagna fitu narane eghuteuna bret te ghamu ghotilo na mala theo kaisei isi tagna.

Levitikas 23:6 Referans Kwoze

Diutronomi 16:8

Nabagna keha namno narane ka gaghamu na ghotilo mala ghamu bret te theo isi gna na. Aonu ka fafitu narane na, ghotilo mala ghamu fodu mala kilo fnaknoni Lord, nomi God. Eghuteuna ka narane tuana ghotilo thosei loku.”

Eksodas 34:18

“Leuleghu finogha, ka nhigra Abib, ghotilo mala ghathoni fabrahu eigna Narane biꞌo gna Bret te Theo Isi gna. Ka narane tuana, ghotilo ginauna ghamu kolho bret te theo isi gna na ghilei thokeni fafitu narane na jateula teke chekenihi iara ka ghotilo ia eghu. Naugna ka nhigra tuana, ghotilo neke jifla mei funumi Ijep.

Eksodas 12:14

“Ghotilo mala ghathoni fabrahu narane tuthuana igne leuleghu finogha. Ghotilo mala gleale'a balu gaghamu biꞌo eigna unha teke eni iara ranghi ghami ghotilo na. Eghuteuna iheire nate karha mei ke leghumi ghotilo ginau re mala jaola eni gaghamu biꞌo igne.”

Eksodas 23:15

“Ghotilo mala khapru ka Gaghamu biꞌo eigna Bret te Theo Isi gna igne mala tarai jateula teke chekeni iara ka ghotilo ia eghu. Ghotilo mala ima bret te theo isi gna igne nabagna fitu narane ka narane teke lilisei iara ka nhigra Abib, naugna ka nhigra igne ngala teke jifla ghotilo Ijep na. “Eghume kate mei ghotilo ka iara na, ghotilo mala atha mei balumi kaisei famane glepo mala fafara ka iara.

Diutronomi 16:3

Eghuteuna kate ghamu ghotilo gaghamu igne, ghotilo ghamu bret te theo isi gna na. Ka fitu narane igre ghotilo ghamu bret te theo isi tagna na. Igne unha teke ghamu tahati kani teke papara fara teke ghosei teke jifla Ijep. Ka puhi igne ghotilo tangomana te ghathoni fabrahu nakarhami ghotilo ka narane teke jifla ghotilo Ijep.