Levitikas 23:34 - Buka Blahi Ka Cheke Holo34 “Cheke ka naiknodi Israel, leuleghu finogha, ka fafitu nhigra igne, ka fabotho glima narane gna na, ghotilo mala eni Narane biꞌo te mala Au ka Grorofe Ikoi, narane biꞌo igne mala eni nabagna fitu narane. Gade chapit la |
“Ghotilo mala jaola ke ghatho fapuloni narane biꞌo teke funu atha gano majaghani teke joꞌu ghotilo ka nomi nagare ra. “Nei ghotilo mala ke ghatho fapuloni narane biꞌo teke au teku ghotilo ka suga tapuale ra, ghotilo neke kulu ukli sisi grep mala eni waen nei oliv mala eni oliv oel neku neke thokei mei nga ka nhigra nakhete na.
Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”
“Leuleghu finogha, ghotilo mae nalhaꞌu te gnafa Israel ra ghotilo mei thilo fata ka vido blahi teke vahini Lord igne. Thilo fata igre, Gaghamu Ghasa-Polho na, nei Narane biꞌodi Fitu Wik, nei mala Au ka Grorofe Ikoi teuna. Ka thilo gaghamu igre, theome tangomana kaisei naikno te fiti sasama te mei na.
Aonu mana ne cheke eghu ka mare, “Ka khukru gna fafitu finogha, kate ghiha koko kaoni ghotilo ka Narane biꞌo te mala Au ka Grorofe Ikoi igne, eghuteuna ghotilo te gnafa na mala kafe salo fodu mei ke ulugna Lord nomi God ka vido blahi aheva nate vavahi mana na, aonu ghotilo mala iuꞌiju vetula igne, mala nomhini naiknore.
Aonu King Solomon nei naikno te gnafa Israel igre ne ei gaghamu biꞌo eigna grorofe, mare ne eni gaghamu igne fitu narane. Eghuteuna ke leghugna igne mare neke eni gaghamu igne nabagna keha fitu naranei. Ka narane igre kmana naikno fara te mei funu ka namono ke raru Lebo-Hamat, tei posa ka khoꞌu ikoi ka nohi ke mata Ijep.
Mae Jeroboam ne vahini kaisei narane biꞌo ka nabotho glimai gna narane fahana gna nhigra na, igne jateula kaisei nodi narane biꞌo eghu mae Juda. Mana neke horo kaisei olta Betel mala fafara ka phei mumuju buluka igre. Mana jaola neke fablahidi hatimare mae pris igre Betel mala loku ka vido blahi teke edi mana igre.
“Eghuteuna ka Narane biꞌo te mala Au ka Grorofe Ikoi na, fufunu ka nabotho glima narane ka fafitu nhigra na tei thokeni fafitu narane ka gaghamu igne, king ginauna famei glepo igre leuleghu narane. Glepo igre mala fafara koko nakhibo mala doglo naikno na ka tathagu iara na, eghuteuna fafara te thofno krono fara igre, nei flaoa teke edi ka famane wit igre baludi oliv oel te mala fafara igre.”