Levitikas 22:20 - Buka Blahi Ka Cheke Holo

²⁰ Ghotilo mala thosei fafara kaisei glepo tautagu te au kaisei glepo te thona ka thinigna na. Jame ghotilo fariuriu, iara ginauna theome gleꞌani fafara tuana.

Levitikas 22:20 Referans Kwoze

Diutronomi 17:1

“Jame kaisei buluka, ba sipu, ba nanigot au thubu ka thinigna na, ghotilo thosei fafara lao ka Lord nomi God, naugna nafnata fafara igne thofno diꞌa fara ka mana.”

Profet Malakai 1:8

Ghotilo fafara ka iara buluka te dofu, te fogra, te lehe ghahedi teu igre. Ba? Tuare site doglo ka gaoghathomi ghotilo rea? Fariuriu atha tei si ghotilo nafnata gano tuare ka nomi mae funei na, na keli tagna mana neu si ghotilo ia? Thono theo fara!’

Diutronomi 15:21

Nu jame kaisei buluka ba kaisei sipu ba dongki diꞌa ghahegna na, ba dofu tathagna na, ba au keha nafnata khabru tagna, ghotilo thosei fafara ka Lord, nomi God.

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Levitikas 22:25

Ghotilo theome tangomana te hata nafnata glepo tautagu igne ka ihei te theome naikno gna Israel, ghotilo thosei fafara glepo igne jateula gano blahi eghu ka iara. Nafnata glepo tautagu igne theome naba nei au thona ka thinigna na, eghume iara theome gleꞌani nafnata fafara igne.”

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Levitikas 3:1

Lord ne cheke eghu, “Jame kaisei mae ka ghotilo magnahaghei fafara mala au fakeli balugu iara, mana tangomana te atha kaisei nalhaꞌugna ba gaꞌase gna buluka te theo kaisei thona ka thinigna na, eghuteuna mana atha mei ke ulugu iara.

Levitikas 3:6

“Jame kaisei mae ka ghotilo magnahaghei te atha sipu ba nanigot mala fafara ka iara Lord mala laseni mana te au fakeli balugu iara na, mana tangomana te atha te mei kaisei nalhaꞌugna ba gaꞌasegna te theo kaisei thona ka thinigna na.

Naba 19:2

“Igne keha vetula teke chekeni Lord na: Cheke eghu ka naiknodi Israel, ghotilo mala atha mei kaisei buluka ukru te theo kaisei thuthubu ka thinigna na, nei te theome loku ghotilo tagna eghu.

Naba 29:8

Ka narane blahi igne, ghotilo mala gahu u fafara te siri famane gna na mala gleꞌa iara ka fafara tuana. Igre unha te mala fafara ghotilo re: Kaisei buluka nalhaꞌugna te majaghani, kaisei sipu nalhaꞌugna, nei fitu sipu nalhaꞌudi te ikodi te kaisei finoghadi are. Glepo te tautagu igre e theo kaisei thona ba thubu ka thinidire.

Profet Esikiel 45:18

Lord God neke cheke eghu, “Iara Lord God te cheke eghu igne: Ka narane ululahu gna nhigra ululahu leuleghu finogha, ghotilo ginauna hata kaisei sua buluka te theo kaisei thubu ba thona ka thinigna na, mala fafara mei ka iara mala gae ka tathagu iara na nogu Sugablahi iara gne.

Levitikas 22:24

Ghotilo mala thosei fafara ka iara Lord, kaisei glepo tautagu te chrahi ba neke lage. Ghotilo mala thosei eni nafnata glepo igne ka nomi kantri.