Levitikas 21:20 - Buka Blahi Ka Cheke Holo

²⁰ Theo kaisei ka mae igre tangomana te loku kate peko thagru gna na, ba thini gna na thofno sokmo fara, ba tatha gna na diꞌa, ba au bakua ka thini gna na, ba tathagu.

Levitikas 21:20 Referans Kwoze

Diutronomi 23:1

Mae Moses ne cheke eghu, “Jame kaisei mae au jare mae ihei teke vahe mamajagna na ba vahe koko glepogna na. Nafnata mae igne theo nogna nolaghi te mala mei au ka nodi faidu nogna naikno Lord igne.

Profet Isaia 56:3

Theome doglo naiknodi keha kantri igre te nhaꞌa cheke te mala leghuni Lord, te cheke eghu na, “Lord ginauna theome snakre ghau iara te tarai baludi nogna naiknore.” Eghuteuna iheire te theo thudire, thosei cheke eghu, “Naugna iara gne jateula gaju te theome ure ra eghu theo thugu, iara theome nabagu te au baludi nogna naikno God igre.”

Levitikas 21:19

ba khame gna ba ghahe gna teu mana re klopa.

Levitikas 22:22

Jame glepo tautagu igne dofu, ba ghahe gna na klopa, ba fnera ka thini gna na, ba guli gna na diꞌa, ba au thubu glotho te jifla mei, te eghu na, ghotilo mala thosei fafara mei ka iara. Ghotilo mala thosei fafara kaisei nafnata glepo tautagu ke kligna olta mala tusu mei jateula glepo blahi eghu ka iara.

Levitikas 22:24

Ghotilo mala thosei fafara ka iara Lord, kaisei glepo tautagu te chrahi ba neke lage. Ghotilo mala thosei eni nafnata glepo igne ka nomi kantri.

Diutronomi 23:2

“Jame kaisei mae karha kate theome thofno tolaghi leghuni nodi vetula naiknodi Israel, eghuteuna iheire ginauna nate karha mei ka vikegna mae igne, nafnata mae igne theo nogna nolaghi te au ka nodi faidu nogna naikno Lord igne.