Levitikas 20:14 - Buka Blahi Ka Cheke Holo

¹⁴ “Jame kaisei mae tolaghi ka kaisei gaꞌase eghuteuna ke leghu mana jaola ke tolaghi ka idogna gaꞌase tuana, igne kaisei thofno glepo diꞌa fara. Eghume ghotilo gnubradi retilo ghilei lehe retilo, mala theo kaisei glepo te diꞌa jateula igne eghu na teke eni fari hoteimi ghotilo.

Levitikas 20:14 Referans Kwoze

Levitikas 18:17

“Thosei kafe thuru baludi idogna ghe thugna gaꞌase na. Ba gragna gaꞌase idogna na. Naugna retilo igre kaisei tharakna kolho, puhi igne thono diꞌa fara.

Diutronomi 27:23

“ ‘Puhi biꞌo ginauna thokeni ihei te thuru fodu ka idogna khetogna na.’ Eghuteuna naiknore ginauna cheke eghu, ‘Amen!’

Profet Emos 2:7

Mare tapla faparidi nei theome toghodi neu iheire te nigra ba iheire te kuma. Jaola mae kmagna ghe mae thugnare kafe tapla jafra ka kaisei gaꞌase kolho. Puhi igre thofno diꞌa fara, nei famamajani eghu nanghagu iara te blahi na.

Josua 7:15

Eghuteuna mae ihei teke hata glepo mala nako ka khaꞌaghi teku ra tuana nate gnubra falehe ghotilo ka khaꞌaghi balu tharaknagna nei nogna gobigna lepo fateote'o. Naugna mae tuana ne eni kaisei najafra biꞌo te thono diꞌa fara ne ranghini Israel. Eghuteuna mae tuana jaola ne huhughuni nogu cheke iara na.”

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Levitikas 21:9

“Eghuteuna jame thugna gaꞌase kaisei mae pris fathonani thegna ka puhi vine, naꞌa famamajani kmagna na, eghuteuna ghotilo mala gnubrani naꞌa ka khaꞌaghi mala ghilei lehe naꞌa.