Levitikas 16:29 - Buka Blahi Ka Cheke Holo

²⁹ “Igne vetula eigna Narane biꞌo te mala Hata Fadelei Nakhibo te mala leghuni fabrahu ghotilo na. Leuleghu finogha, ka fafitu nhigra, ka fabotho narane gna na, ghotilo naiknomi Israel baludi keha naikno te au balumi ghotilo are, ghotilo te gnafa na mala thosei ghamu nei thosei eni kaisei gloku.

Levitikas 16:29 Referans Kwoze

Profet Isaia 58:3

Nu mare cheke eghu koba ka iara, ‘Lord, filo mei ghami ka vido te theome ima nei nhaꞌa fapari ghami themi teu gre, naugna unha sagho te theome eni kaisei glepo te mala togho ghami ghehati gnea?’ ” Nu iara Lord ne cheke eghu ka mare, “Uve, tutuani fara te theome ima ghotilo te mala ghatho tahu ghau iara teu nu eni fabrahu ghotilo unha te magnahagheni themi na teuna, ghotilo paradi fabrahu nomi mae glokure.

Naba 29:7

Lord neke cheke eghu, “Ka fanabotho narane gna ka fafitu nhigra na, tuana kaisei narane blahi mala theome ghamu nei loku eghu ghotilo, nu ghotilo ginauna mei khapru mala kilo fnakno ghau iara.

Profet Daniel 10:12

Mana neke cheke eghui ka iara, “Daniel, thosei mhaghu. God na nomhini nou tharai iagho na, funu ka narane teke nhaꞌa fapari nigho themu ke ulugna God na, iagho neke fariuriu mala lasedi gaoghathodi glepo igre teku, iara gognarona mei balu cheke tughu gna nou tharai iagho na.

Profet Isaia 58:5

Kate mala ghatho tahu ghau iara teu te theome ima na, ghotilo papara fara. Ghotilo pogho pari ghilei tei gefe jateula khakla gaju eghu pari phaꞌumire. Ghotilo tofa nakrofu ka nomi pohere mala thuru ke klignadi. Ba, na keli tagu iara ka nafnata puhi te edi ghotilo igre neu si ghotilo ia? Thono theo fara!

Nodi Khoje Hatimare Mae Jiu 35:13

Nu iara theome jateula mare eghu. Thono theo fara. Kate fogra mare na iara pipichi pohe thona nei theome ghamu eghu, fagaglanagna nogu diꞌanagnafa eidi mare na. Eghuteuna iara neke tore nigho iagho mala toghodi mare.

Levitikas 23:36

Eghuteuna leuleghu narane te tei thoke ka fafitu narane na, ghotilo mala eni kaisei fafara mala tusu mei ka iara jateula kaisei glepo blahi eghu ka iara Lord. Ka fahana narane na, ghotilo mala kafe mei mala kilo fnakno ghau iara, nei mala ke eni kaisei fafara mala tusu mei jateula kaisei glepo blahi eghu ka iara. Igne narane mala kilo fnakno ghau iara, eghuteuna blahi te mala eni ghotilo kaisei gloku tagna na.

Levitikas 23:21

Ghotilo mala thosei eni kaisei gloku ka narane biꞌo igne, ghotilo mala kafe mei mala kilo fnakno ghau iara. Igne vetula gna narane biꞌo te mala leghuni fabrahu ghotilo ka vido te gnafa aheva te au ghotilo na.

Eksodas 20:10

Nu fafitu narane na nogu narane iara mala gnafa. Ka narane tuana theo kaisei naikno nate loku na. Ghotilo baludi thumi are, nomi naikno gloku te gaꞌase ba nalhaꞌu, nomi buluka nei naiknodi keha kantri te mei au teu balumi ghotilo are eghu mala thosei loku.

Hibru 4:10

Eigna ihei te ruma te gnafa balugna God na ginauna na gnafa ka nogna gloku na, jateula God teke gnafa ke leghugna teke hohoro gna nauthoglu gne.

Ululahu Korin 11:31

Jame te kulu filo glanidighu tahati nagnafada thedare nei edi gobigna lepo te doglo ba loku ka puhi te keli teuna, God ginauna theome fate ghita.

Profet Daniel 10:3

Iara theome ghamu kaisei gano te keli, ba ghamu kaisei nafnahi, ba koꞌu kaisei waen. Eghuteuna iara jaola theome ghiha oel ka thinigu na mala famane siri keligu.

Profet Isaia 58:13

Lord ne cheke eghu, “Ghotilo thosei huhughuni vetula eigna narane Sabat. Eghuteuna ghotilo thosei eni kaisei glepo leghuni unha te ghathoni themi ka narane igne. Nu ghotilo ghatho ghau iara fabrahu leuleghu narane. Ghotilo glealeꞌa mala ghatho tahu ghau iara ka narane blahi igne. Eghume, ghotilo thosei tei fakhaba ka narane igne. Eghuteuna ghotilo thosei eni kaisei gloku ka narane igne. Eghuteuna ghotilo thosei toutonu faparini ihei ka narane igne. Iara ginauna fablahi ghami ghotilo.

Nodi Khoje Hatimare Mae Jiu 69:10

Kate tarai iara te funu theome ghamu na, naiknore maꞌe ghau iara.

Esra 3:1

Naiknodi Israel igre neke pulo mei neke au fakeli ka nodi namono re. Eghuteuna kate namo mei fafitu nhigra ka finogha igne mare mei ne salofodu Jerusalem.

Ululahu Kings 8:2

Aonu mare ne kafe mei ka King Solomon ka Narane biꞌo te mala Au ka Suga Naota Ikoi na, ka nhigra te kiloni mare Etanim, ka fafitu nhigra ka nodi finogha mare na.

Levitikas 23:3

“Ghotilo au fitu narane te mala edi ghotilo nomi loku re, nu ka fafitu narane leuleghu wik na narane Sabat narane mala gnafa. Ka narane Sabat ghotilo mala theome mala loku, nu ghotilo mala kafe mei mala kilo fnakno ghau iara. Neubane ka namono aheva te tei au ghotilo tagna na, narane Sabat nogu narane iara Lord eghuteuna ghotilo mala ghatho tahuni.”

Eksodas 30:10

Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Eksodas 12:16

Ka narane ulu lahu na nei ka fa fitu narane na teuna, ghotilo mala khapru mala tarai. Ghotilo mala thosei eni kaisei gloku ka phei narane igre. Nu gloku te snakreni iara te mala eni ghotilo ka phei narane igre na te mala kaikaliti ghemi gano na kolho.

Mae Khuru 27:9

Ghehati ne au kmana narane jare, aonu kaisei nodi narane biꞌo mae Jiu te mala gae ke ulugna God na la sala'uhi. Eghuteuna gognaro na ghehati thokeni hila narane diꞌa te theome naba te mala tei ka nhorora na. Aonu mae Pol ne cheke eghu,

Eksodas 31:14

“ ‘Ghotilo tajini narane igne mala gnafa, naugna nomi narane blahi ghotilo. Ihei te theome ghatho tahuni narane igne, eghuteuna ihei te loku ka narane tuana mala au kosi ka naiknogna Israel.

Eksodas 31:15

Ghotilo au namno narane te mala loku na, nu ka fafitu narane na, Narane Sabat mala thofno gnafa, kaisei narane blahi nogna Lord. Ihei te eni kaisei gloku ka narane tuana, ghotilo aknu faleheni.

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”

Ululahu Samuel 7:6

Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Esra 8:21

Kate au teu ghehati ka gerigna khoꞌu biꞌo Ahava igne, iara ne cheke ka mae iheire te khapru teu ka vido igne mala thosei ghamu nei nhaꞌa fapari ghami themi ke ulugna God. Eghuteuna ghehati toreni mana mala batu ghami ka nabrou na nei reireghi fakelidi thumi nei nomi gobigna lepore.

Levitikas 25:9

Ka phiatutu nheva finogha tuare, ka fafitu nhigra na, ka fabotho narane gna na, igne Narane biꞌo mala Hata Fadelei Nakhibo, eghume ghotilo mala kurudi naiknore mala tei ifu fabiꞌo trampet heva heva ka nomi kantri na.