Levitikas 15:8 - Buka Blahi Ka Cheke Holo

⁸ “Jame mae ihei te au fogra tuana kmisu ka keha mae ihei te klino ka tathagu iara na, te eghu na, keha mae tuana mala titihi nogna pohe re eghuteuna apu, eghuteuna mana jaola theome klino ka tathagu iara na ghilei rafi.

Levitikas 15:8 Referans Kwoze

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Profet Isaia 1:16

“Ghotilo fagae ghami themi, eghuteuna thosei ke eni kaisei puhi te diꞌa.

Jemes 4:8

Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.

Levitikas 15:7

“Jame keha mae na habo ka thinigna mae te au fogra tagna na, te eghuna, mana mala titihi nogna pohe re eghuteuna mana apu, eghuteuna mae tuana na jaola theome klino ka tathagu iara na ghilei rafi.

Levitikas 15:9

“Jame mae ihei te au fogra tuana mana gnokro ka kaisei chea ka hose ba kamel, te eghu na, chea tuana theome klino ka tathagu iara na.

Levitikas 11:24

“Jame kaisei naikno ka ghotilo haboni thinigna kaisei glepo tautagu te theome klino teke lehe na, mana ginauna theome klino ka tathagu iara na ghilei rafi.

Naba 19:22

Eghuteuna keha glepo teke habo mae te theome klino igne na, glepo tuare jaola theome gae, eghuteuna mae ihei teke habo ka glepo tuare, mare jaola theome klino ghilei rafi.”