Biblia Todo Logo
Bib sou entènèt

- Piblisite -




Levitikas 14:48 - Buka Blahi Ka Cheke Holo

48 “Nu jame pris tei fifilo ka suga igne, eghuteuna mana filoni thona igne neke theome ke jifla mei ke leghugna narane teke lilisei plasta majaghani na, mana mala chekeni suga tuana klino ka tathagu iara na, naugna thona tuia la gnafahi.

Gade chapit la Kopi




Levitikas 14:48
10 Referans Kwoze  

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.


Phei mae fanomho igre tei ne filoni mae Jisas te fakelidi kmana naikno te fogra, nei dofu, nei bruedi naitu teure.


Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou naugna iagho ginauna nake theome au papara.”


Kate habo naꞌa ka nogna phoko mae Jisas na dadara na ghosei ne noto. Eghuteuna naꞌa ghosei ne laseni khabru teke au ka naꞌa na kela keli fapulohi.


Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.


Eigna God tangomana te nhaꞌa lao thubu ka naikno na, nu mana jaola nhaꞌa lao meresin tagna. God tangomana te eni naikno na mala ghoreho, nu mana tangomana te eni te mala ke keli fapulo naikno na.


eghuteuna pris mala jifla ka vido te au ghotilo tagna na, eghuteuna mana mala tei filoni mana te au teu kosi na. Ka vido tuana pris mala fifilo fakeli ka thini gna mana na. Jame fogra diꞌa ka thinigna mana igne la mafohi,


“Nu jame thona igne ke thakle mei ke leghudi teke atha koko mare gobigna lepore teke babana fapulo gringni igne,


Eghuteuna ihei te thuru ba ghamu lamna ka suga igne, mana mala titihi nogna pohere.


Te mala klino suga tuana ka tathagu iara na, pris mala atha mei phei nanghaji, balu kaisei gaju sida, nei kaisei gnarho ukru ikoi, nei kaisei grege gaju hisop ikoi.


Swiv nou:

Piblisite


Piblisite