Levitikas 14:18 - Buka Blahi Ka Cheke Holo

¹⁸ Ke leghu, vido oliv oel salaꞌui teku ka khame gna pris na, mana mala tofa lao ka phaꞌugna mae tuana. Eghume ka puhi igne, mana eni mae tuana mala klino ka tathagu iara na.

Levitikas 14:18 Referans Kwoze

Levitikas 4:26

Eghuteuna mana gahu fahui garofagna re ka olta na jateula teke gahu mare fafara tuana te mala laseni te au fakeli balugu iara na. Ka puhi tuana, pris tangomana te fafara te mala doglo mae lida igne ka tathagu iara na, eghuteuna iara ginauna atha fadeleidi nakhibogna mana re.”

Levitikas 8:12

Mana tofa keha oel ka phaꞌugna mae Eron, mala blahi mana.

Levitikas 5:16

Eghuteuna mae igne mala poloru eigna vetula teke huhughuni mana nogu glepo blahi iara Lord. Mana mala ke foli fapulo thofno praes gna glepo igne eghuteuna ke nhaꞌa lao kaisei ke klignadi glima sileni ka praes igne. Poloru igne mala tusu lao ka mae pris, eghuteuna mae pris atha sipu nalhaꞌugna igne ka fafara na mala poloru mala atha koko nakhibogna mae igne, eghuteuna iara ginauna atha koko nakhibogna mana na.

Levitikas 4:31

Mae tuana atha fajifla gnafa garofagna nanigot igne, jateula teke atha fajifla mare garofadi glepo tautagu na ka fafara tuana te mala laseni te au fakeli mare balugu iara na. Aonu pris igne gahu garofa igre ke kligna olta, eghuteuna iara Lord keli tagu ka sisirigna na. Ka puhi igne, pris tangomana te fafara te mala teke doglo mae igne ka tathagu iara na, eghuteuna iara ginauna atha fadeleidi nakhibogna mana re.

Eksodas 29:7

Eghuteuna iagho atha oel blahi igne mala tofa ka phaꞌugna mana na mala taofini mana.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Levitikas 14:17

Pris ginauna atha oliv oel teke salaꞌu teku na ka khame maeri gna na, nei fabothu lao fei nheta ka vido phiapila khuli gna mae tuana, nei ka geghesu biꞌo ka khame nhetagna mana na, nei ka geghesu biꞌo ka ghahe nhetagna na, kligna ka dadara gna sipu teke nanhaꞌa tekuhi na.

Naba 15:28

Eghuteuna mae pris ginauna tangomana eni fafara mala atha fadelei nakhibogna mana na ke ulugna Lord.

Levitikas 4:20

Mana eni ka buluka nalhaꞌugna igne jateula teke eni mana ka buluka nalhaꞌugna teke fafara te mala doglo thegna ka tathagu iara Lord na ia eghu. Ka puhi igne mae pris atha fadelei nakhibomi ghotilo re, eghuteuna iara ginauna jaola tangomana te atha fadeleidi nakhibomi ghotilo re.

Levitikas 4:35

Mae tuana ginauna atha fadelei garofagna sipu igne, jateula teke atha fadelei mare garofagna sipu na ka fafara tuana mala laseni mare te au fakeli balugu iara na. Aonu pris igne mala gahu garofa igre ke kligna olta, mala kaisei nogu glepo blahi iara Lord. Ka puhi igne, pris tangomana te fafara te mala doglo mae igne ka tathagu iara na, eghuteuna iara ginauna atha fadelei nakhibogna mana re.”

Levitikas 15:15

Eghuteuna pris aknu falehe kaisei nanghaji mala fafara mala ke doglo mae igne ka tathagu iara na, eghuteuna mana ke aknu falehe keha nanghaji na mala eni fafara te thofno krono na. Ka puhi igne, mae tuana tangomana teke klino ka tathagu iara na.