Levitikas 14:12 - Buka Blahi Ka Cheke Holo

¹² “Eghuteuna pris mala atha kaisei ka sipu igre, balu kapu oliv oel biꞌo, eghuteuna eni poloru fafara gna mae igne. Pris mala pala haghe phei glepo igre ke ulugu iara jateula fafara eghu ka iara.

Levitikas 14:12 Referans Kwoze

Eksodas 29:24

Iagho atha bret baludi nafnahi igre, eghuteuna lisa lao ka khamegna Eron nei ka thugna mana re, eghuteuna iagho cheke ka mare mala pala mei haghe ke ulugu jateula kaisei thufa eghu ka iara.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Eksodas 29:22

“Fapea sipu igne, fafara mala taofi mae pris. Iagho vavahe garofa gna sipu igne, balu sekogna te au kmana tagna na, eghuteuna garofa igre thafru lamna ka thiꞌagna na. Eghuteuna iagho atha famane vido ka khebugna na, nei phei chauchau gna balu garofadi, nei grege ghahe fei nhetagna.

Eksodas 29:26

Iagho ginauna atha nafnahi ka babango gna fapea sipu igne eghuteuna pala mei haghe ke ulugu iara mala kaisei thufa. Nafnahi igne mala ghamu iagho.

Levitikas 14:10

“Ka fahana narane na, mae igne mala atha mei phei sipu nalhaꞌudi ikodi balugna kaisei sipu gaꞌase gna ikoi te kaisei finogha, eghuteuna thilo glepo igre theo kaisei thona ka thinidi re. Eghuteuna mana mala atha mei fafara ka thilo kilo flaoa ka famane wit teke ngigno fodu mare ka oliv oel, eghuteuna mana jaola mala atha mei kaisei kapu oliv oel biꞌo.

Levitikas 14:11

Eghuteuna pris ginauna mala atha mei mae igne balu nogna fafara, eghuteuna phia mare mala mei ke ulugu iara Lord ka grengatha gna Suga Tapuale te Blahi na.

Levitikas 14:19

“Ke leghu, pris mala aknu falehe sipu gaꞌase gna na mala ei fafara mala ke doglo mae tuana ka tathagu iara na, eghuteuna mana mala jaola ke aknu falehe keha sipu nalhaꞌu gna na mala eni fafara te thofno krono na.

Levitikas 5:15

“Jame kaisei mae ka ghotilo theome ghathoni ne huhughuni vetula eigna nogu glepo blahi iara Lord, iagho atha mei kaisei sipu nalhaꞌugna te theo kaisei thona ka thinigna na, malagna fafara te mala poloru igne. Praes gna sipu igne fananaba ka unha teke eni mana na, eghuteuna mare mala fananaba ka praes gna sipu na ka silva koen teke skel mare ka nodi skel mae pris.