Levitikas 14:10 - Buka Blahi Ka Cheke Holo

¹⁰ “Ka fahana narane na, mae igne mala atha mei phei sipu nalhaꞌudi ikodi balugna kaisei sipu gaꞌase gna ikoi te kaisei finogha, eghuteuna thilo glepo igre theo kaisei thona ka thinidi re. Eghuteuna mana mala atha mei fafara ka thilo kilo flaoa ka famane wit teke ngigno fodu mare ka oliv oel, eghuteuna mana jaola mala atha mei kaisei kapu oliv oel biꞌo.

Levitikas 14:10 Referans Kwoze

Levitikas 2:1

Lord ne cheke eghu, “Jame kaisei mae ka ghotilo magnahaghei atha mei gano ka nagare mala famei ka iara, mana mala atha mei flaoa teke eni ka famane wit. Eghuteuna mana mala lilisei oliv oel nei insens eghu ka flaoa igne.

Luku 5:14

Aonu mae Jisas ne cheke faheta eghu ka mana, “Thosei toutonu tafri eigna igne ka ihei nga. Nu iagho doglo tei ka mae pris mala kulu filoni mana thinimu na. Eghuteuna ke leghugna igne iagho tei eꞌei fafara leghuni unha te chekeni mae Moses ia, mala laseni naiknore teke la keli fapulohi iagho na.”

Matiu 8:4

Aonu mae Jisas ne cheke eghu ka mana, “Thosei toutonu tafri eigna igne ka ihei nga. Nu iagho doglo tei ka mae pris mala kulu filoni mana thinimu na. Eghuteuna ke leghugna igne iagho tei eꞌei fafara leghuni unha te chekeni mae Moses ia, mala laseni naiknore teke la keli fapulohi iagho na.”

Levitikas 14:21

“Jame kaisei mae kuma fara, eghuteuna mana theome tangomana te atha te mei thilo sipu te edi fafara igre, mana tangomana te atha kaisei sipu nalhaꞌu gna te ikoi kolho mala eni fafara poloru igne mala klino mana ka tathagu iara na. Pris mala pala haghe sipu igne ka tathagu iara na jateula kaisei fafara eghu ka iara. Eghuteuna mala eni fafara igne ka flaoa ka famane wit, mana mala atha kaisei kilo flaoa te ngigno balu oliv oel, eghuteuna mana mala jaola atha kaisei kapu oliv oel biꞌo.

Levitikas 14:15

Aonu pris ginauna atha oliv oel nei tofa ka khame maeri gna thegna na.

Levitikas 14:12

“Eghuteuna pris mala atha kaisei ka sipu igre, balu kapu oliv oel biꞌo, eghuteuna eni poloru fafara gna mae igne. Pris mala pala haghe phei glepo igre ke ulugu iara jateula fafara eghu ka iara.

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Jone 6:33

U gano teke tusu mei God na mae ihei teke soru mei funugna kligna te mala tusu lao u karha na ka naikno te gnafa kau nauthoglu igne.”

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Naba 28:20

Eghuteuna phei buluka nalhaꞌudi are, ghotilo ginauna gahu balugna namno kilo flaoa ka famane wit teke ngingo ghotilo balu oliv oel ia. Thilo kilo flaoa balugna keha buluka na, nei keha thilo kilo flaoa balugna keha buluka na. Eghuteuna sipu nalhaꞌugna igne, ghotilo ginauna gahu balugna keha phei kilo flaoa ka famane wit teke ngingo ghotilo balugna oliv oel ia.

Naba 6:14

Jare mana ginauna mei fafara kaisei sipu nalhaꞌu gna te kaisei finogha te theome au thubu ka guligna na. Sipu igne mala fafara nei gahu eghu. Eghuteuna jaola ke fafara kaisei sipu gaꞌase gna te kaisei finogha te theome au thubu ka guligna na. Sipu igne fafara mala fa glaglanagna te doglo mana ka tathagu iara na. Eghuteuna jaola ke fafara kaisei sipu nalhaꞌu gna te theome au thubu ka guligna na. Sipu igne fafara mala fa glaglanagna te au fakeli mana balugu iara na.

Levitikas 23:13

Eghuteuna balugna sipu igne, pris mala ei fafara ka phei kilo flaoa ka famane wit teke ngigno fodu ghotilo balu oliv oel. Pris mala gahu ke kligna olta mala eni kaisei glepo blahi te siri keli gna mala kelitagu iara Lord. Eghuteuna ghotilo mala tofa kaisei lita waen rhegna olta na mala kaisei fafara balu sipu nei fafara ka flaoa.

Levitikas 9:1

Nhana narane ke leghugna teke taofi pris Eron igne, mae Moses ne kiloni mae Eron nei thugna mana re eghu baludi mae lidadi Israel mala kafe mei.

Levitikas 4:32

“Jame kaisei mae huhughu ni vetula na eghuteuna mana mala atha nogna sipu gaꞌasegna te theo kaisei thona ka thinigna na mala fafara mala ke doglo ka tathagu iara na.

Levitikas 2:13

Flaoa te edi ka famane wit te atha te mei ghotilo ka iara igne, ghotilo lilisei tahi tagna, naugna tahi igne fagaglana gna nhaꞌa cheke teke eni iara balumi ghotilo ia. Ghotilo mala lilisei tahi ka gano te atha te mei ghotilo ka iara re.

Levitikas 2:11

“Flaoa ka famane wit atha te mei ghotilo ka iara igne mala theome au isi tagna. Ghotilo theome tangomana te lilisei isi ba jurukuli ka gano te gahu ghotilo igne jateula thufa blahi eghu ka iara.

Levitikas 1:10

“Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.

Eksodas 29:40

Hamerane, kate gahu iagho sipu ulu lahu na, iagho atha kaisei kilo flaoa teke eni ka famane wit, eghuteuna ngigno flaoa igne balugna kaisei lita ka famane oliv oel te keli, mala gahu balugna. Eghuteuna iagho tofa lao kaisei lita waen balugna ka fafara igne, mala tusu mei ka iara.

Levitikas 14:11

Eghuteuna pris ginauna mala atha mei mae igne balu nogna fafara, eghuteuna phia mare mala mei ke ulugu iara Lord ka grengatha gna Suga Tapuale te Blahi na.

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.