Levitikas 13:33 - Buka Blahi Ka Cheke Holo

³³ mae igne mala ghoighori khakla au te gnafare, nu mana theome tangomana te ghoighori khakla te au ka thubu igne. Eghuteuna pris cheke ka mae igne nake au thegna sopai ka suga na nabagna fitu narane.

Levitikas 13:33 Referans Kwoze

Levitikas 13:4

Nu jame te filoni mae pris te thubu igne vegha, eghuteuna theome tei lamna ka nafnahi na, eghuteuna khakla ka vido igne theome vegha teuna, mae pris ginauna chekeni mae igne mala au ka kaisei suga thegna sopa nabagna fitu narane.

Levitikas 13:30

pris na filo ka thubu igne. Nu jame thubu igne theome au ka guli nu tei lamna ka nafnahi eghuteuna keha khakla ka vido igne khoko eghuteuna kehare rija teuna, igne kaisei nafnata bakua te au ka phaꞌu ba ka tatha nei foflo eghu, eghuteuna mae pris na chekeni te mae igne theome klino ka tathagu iara na.

Levitikas 13:32

Ka fafitu narane na, pris nake filo ka thubu igne, eghuteuna jame te theome tei tongana ka thinigna mae igne na, eghuteuna khakla te au ka vido igne theome rija, eghuteuna thubu igne au kolho ka guli na teuna,

Levitikas 13:34

Ka fafitu narane na, pris ginauna nake filo ka thubu igne, eghuteuna jame te theome tei tongana ka thinigna mae igne na, nei theome tei lamna nafnahi teuna, pris na chekeni te mana klino ka tathagu iara na. Nu mae igne mala titihi fagae nogna pohe re mala klino ka tathagu iara na.