Levitikas 11:2 - Buka Blahi Ka Cheke Holo

² mala cheke phiamare ka naiknodi Israel. Mana ne cheke eghu, “Ghotilo tangomana te ghamu glepo te tautagu

Levitikas 11:2 Referans Kwoze

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Matiu 15:11

Unha te nhaꞌa lao ka foflo na theome tangomana te fathonani kaisei mae. Nu unha te chekedi nei ghathodi teu mana ka nagnafagnare te fathonani mana ke ulugna God na.”

Levitikas 11:11

Nafnata glepo igre thono theome keli nei theome klino eghu ka tathagu iara Lord na, eghuteuna ghotilo thosei habo ka thinidi tela lehehi re.

Hibru 13:9

Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Profet Daniel 1:8

Nu mae Daniel gne mana ne theome magnahaghei te ghamu nei koꞌu teu ka sugagna king. Naugna mana laseni glepo igre ginauna fa thonani mana ka tathagna God na. Aonu mana ne toreni mae Aspenas mala toghoni.

Profet Esikiel 4:14

Nu iara cheke eghu, “Lord! Iara theome eni kolho kaisei glepo te mala thona iara ka tathamu iagho na. Funu ka narane kani suagu te ghilei mei posa ka narane gognarogne, iara theome ghamu kaisei nafnahi buluka teke lehe thegna, ba keha nafnata glepo tautagu teke kathu falehe keha glepo te tautagu na. Iara theome ghamuni kaisei gano te theome gae ka tathamu iagho na.”

Levitikas 11:39

“Jame kaisei glepo tautagu te naba te mala ghamu ghotilo na lehe thegna, eghuteuna ihei te habo tagna na, mana theome klino ka tathagu iara Lord na ghilei rafi.

Levitikas 11:34

Jame ghotilo titihi kaisei famane gano ka khoꞌu te au ke lamnagna suspen tuana, gano igre theome klino ka tathagu iara na. Ba jame kaisei glepo te keli mala koꞌu au ke lamnagna suspen tuana, glepo tuana ginauna jaola theome klino ka tathagu iara na.

Levitikas 11:29

“Keha nafnata glepo te tautagu te lase nolo ka glose igre jaola theome klino ka tathagu iara na: Nakusi, nei thotoli, nei garo.

Levitikas 11:21

Nu keha nafnata momogo te lase ghasa tafri igre klino ka tathagu iara na. Nafnata cheche nei khupo teu igre te tangomana te ghamu ghotilo na.

Levitikas 11:13

“Igre keha nafnata nanghaji te thosei ghamu ghotilo re: Gaghata, saroko, nakrudu, gleghaha, chiochio, nei nasihe. Nafnata nanghaji igre thono diꞌa fara.

Levitikas 11:9

“Glepo karha te au ka khoꞌu ba ka thongna teu au thingodi nei khapudi teu igre ghotilo tangomana te ghamu na.

Levitikas 11:4

“Nu nafnata glepo tautagu te jateula kamel, nei nakusi biꞌo te tangomana te au ka khora thina, nei rabet, neuba reꞌe ne ghamu buburu jateula buluka neu, nu thatabladi re theome fnota pea, eghume glepo igre blahi te mala ghamu ghotilo na. Nafnata glepo tautagu igre theome klino ka tathagu iara na.

Levitikas 11:1

Lord ne tusu lao vetula ka mae Moses ghe mae Eron

Levitikas 11:3

te fnota phei thatabla ghahegna eghuteuna reꞌe tangomana te ghamu buburu jateula buluka eghu.