Levitikas 11:13 - Buka Blahi Ka Cheke Holo

^13-19 “Igre keha nafnata nanghaji te thosei ghamu ghotilo re: Gaghata, saroko, nakrudu, gleghaha, chiochio, nei nasihe. Nafnata nanghaji igre thono diꞌa fara.

Levitikas 11:13 Referans Kwoze

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Matiu 24:28

Tutuani fara, naikno kmana ginauna kafe filo laseni meigu iara na, jateula kate filoni bukrei glango na, mare na filo laseni aheva thuru teu thinigna bosu te lehe na.

Profet Habaku 1:8

Nodi hosere umhu fara salaꞌuni khurau biꞌo te kiloi lepad. Kate magra na mae igre jateula khuma mata te rofo ra eghu glalama salaꞌui. Nodi hosere dadahai pari ka glose na, naugna mare magnahaghei te faghose tei. Eghuteuna maedi Babilonia igre jateula gaghata te tava te soru pari te mala hata ganora eghu theidi re. Eghuteuna mae soldia te saghe ka hose igre, mare chari mei funudi ka vido aheva te khaba mala mei goigonidi nodi naokare.

Profet Hosia 8:1

Lord ne cheke eghu, “Ghotilo mae sekiuriti ra ifu nomi khufli ra mala nomhini dofrau naiknore. Naoka na ginau soru mei jateula kaisei gaghata eghu mala mei hata nogu kantri iara igne. Naugna nogu naikno iara igre theome leghuni nogu nhaꞌa cheke teke eni iara ka mare tifa ia, nei tirodi nomhini chekegu iara na.

Lamentations 4:19

Noda naoka tahati gre flalo jateula gaghata te flalo te soru te hata ghegna gano ra eghu. Mare ngolhi ghita ke kligna thogele, eghuteuna poru ka namono nagou mala loki ghita.

Profet Jeremaea 48:40

“Filo mei! Naoka re ginauna theome raugha mei goigonini kantri Moab jateula gaghata biꞌo te tivi te sukha te atha ghegna gano ra eghu.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Profet Jeremaea 4:13

Aonu, mae Jeremaea ne cheke eghu ka naiknore, “Filo si ghotilo! Hatimare mae naoka! Mare ginauna mei jateula nuri blahi te mei balu gromno ra eghu. Nodi chariot mae igre ginauna mei jateula saeklon eghu. Eghuteuna nodi hosere umhu fara salaꞌuni gaghata te flalo ka maloa na ia.” Aonu ghotilo ginauna cheke eghu, “Tore, tahati gne lehehi!”

Thoutonu Eigna Mae Job 38:41

Ihei te faghedi gano nanghaji biꞌo igre ka vido te rofo te hiro ghedi gano re? Uve, ihei te faghamu re thudi nanghaji igre kate rofo nodi te tanhi mei ka iara re?”

Thoutonu Eigna Mae Job 28:7

Gaghatare tangomana te flalo kligna ka maloa, nu reꞌe theome laseni nabrou te mala tei ka vido te au kmana famane thina. Neuba nanghaji biꞌo te flalo kligna, theome tangomana te filoni kolho nabrou igne.

Levitikas 11:11

Nafnata glepo igre thono theome keli nei theome klino eghu ka tathagu iara Lord na, eghuteuna ghotilo thosei habo ka thinidi tela lehehi re.

Levitikas 11:12

Gobigna lepo te au ke lamna khoꞌu ba ke lamna thongna te theome au thingodi nei khapudi teu igre, ghotilo lasedi glepo igre thono diꞌa fara.

Profet Sekaraea 5:9

Aonu iara filo haghe ne filodi keha phei gaꞌase flalo ne mei. Baghidi repa re rheta fara jateula baghi gaghata eghu. Repa flalo ne soru mei ne atha kharaꞌo igne flalo ne tei baludi.