Levitikas 1:10 - Buka Blahi Ka Cheke Holo

¹⁰ “Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.

Levitikas 1:10 Referans Kwoze

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”

Levitikas 4:23

Kate laseni mana nakhibogna na, mana atha mei kaisei nanigot nalhaꞌugna te theo kaisei thona ka thinigna na.

Jenesis 8:20

Aonu mae Noa ne hohoro kaisei olta mala tarai ka Lord. Eghuteuna mana ne atha keha nafnata glepo te tautagu nei keha nafnata nanghaji teu te naba mala ghamu re, aonu mana ne falelehe ne gahu ne fafara ke ulugna Lord.

Jenesis 4:4

Mae Abel jaola ne hata ne mei keha famane sipu te karha majaghani. Mae Abel falelehe sipu igre ne fafara vido nafnahi te keli fara ka Lord. Lord ne ghatho tahuni nogna fafara mae Abel na.

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Profet Esikiel 43:22

“Ka keha narane na, iagho mala hata mei kaisei nanigot nalhaꞌugna te theo kaisei thona ka thinigna na, jateu fafara mala doglo naiknore ka tathagu iara na. Eghuteuna iagho lilisei dadaragna na ka olta igne mala klino ka tathagu iara na, jateula teke eni iagho ka buluka nalhaꞌugna ia eghu.

Levitikas 3:1

Lord ne cheke eghu, “Jame kaisei mae ka ghotilo magnahaghei fafara mala au fakeli balugu iara, mana tangomana te atha kaisei nalhaꞌugna ba gaꞌase gna buluka te theo kaisei thona ka thinigna na, eghuteuna mana atha mei ke ulugu iara.

Levitikas 4:3

“Jame mae pris biꞌo na tapla jafra ka nakhibo. Naugna nakhibogna mana igne, ghotilo te gnafa na ginauna kafe jafra ka tathagu iara na. Eghume mana atha kaisei buluka nalhaꞌugna majaghani te theo kaisei thona ka thinigna na, te eghuna mana fafara mala doglo ka tathagu iara na.

Levitikas 5:15

“Jame kaisei mae ka ghotilo theome ghathoni ne huhughuni vetula eigna nogu glepo blahi iara Lord, iagho atha mei kaisei sipu nalhaꞌugna te theo kaisei thona ka thinigna na, malagna fafara te mala poloru igne. Praes gna sipu igne fananaba ka unha teke eni mana na, eghuteuna mare mala fananaba ka praes gna sipu na ka silva koen teke skel mare ka nodi skel mae pris.

Levitikas 9:2

Mana ne cheke eghu ka mae Eron, “Iagho atha mei kaisei buluka majaghani nalhaꞌugna nei kaisei sipu nalhaꞌugna te theo kaisei thona ka thinidi re. Buluka igne mala fafara mala doglo iagho ka tathagna Lord, eghuteuna sipu igne mala fafara mala thofno krono.

Levitikas 14:10

“Ka fahana narane na, mae igne mala atha mei phei sipu nalhaꞌudi ikodi balugna kaisei sipu gaꞌase gna ikoi te kaisei finogha, eghuteuna thilo glepo igre theo kaisei thona ka thinidi re. Eghuteuna mana mala atha mei fafara ka thilo kilo flaoa ka famane wit teke ngigno fodu mare ka oliv oel, eghuteuna mana jaola mala atha mei kaisei kapu oliv oel biꞌo.

Levitikas 16:3

“Nu ka puhi igne kolho Eron tangomana te mei ka Thofno Chogho te Blahi fara igne: Mana mala fafara kaisei sua buluka nalhaꞌugna, fafara igne malagna thegna mala doglo ka tathagu iara na, eghuteuna mana mala fafara kaisei sua sipu nalhaꞌugna, fafara igne mala thofno krono fara.

Levitikas 16:5

Naikno te gnafa Israel igre mala hata mei phei nanigot nalhaꞌudi nei kaisei sipu nalhaꞌugna eghu ka pris biꞌo mala fafara phei nanigot igre mala ke doglo ghotilo gnafa ka tathagu iara na, eghuteuna sipu nalhaꞌugna igne malagna fafara te thofno krono na.

Levitikas 23:12

Eghuteuna ka narane tuana, ghotilo mala hata kaisei sua sipu nalhaꞌugna te kaisei finogha gna eghuteuna theo kaisei glepo te diꞌa ka thini gna na. Ghotilo hata sipu igne mala eni fafara te thofno krono fara mala kilo fnakno ghau iara Lord.

Naba 6:14

Jare mana ginauna mei fafara kaisei sipu nalhaꞌu gna te kaisei finogha te theome au thubu ka guligna na. Sipu igne mala fafara nei gahu eghu. Eghuteuna jaola ke fafara kaisei sipu gaꞌase gna te kaisei finogha te theome au thubu ka guligna na. Sipu igne fafara mala fa glaglanagna te doglo mana ka tathagu iara na. Eghuteuna jaola ke fafara kaisei sipu nalhaꞌu gna te theome au thubu ka guligna na. Sipu igne fafara mala fa glaglanagna te au fakeli mana balugu iara na.

Naba 19:2

“Igne keha vetula teke chekeni Lord na: Cheke eghu ka naiknodi Israel, ghotilo mala atha mei kaisei buluka ukru te theo kaisei thuthubu ka thinigna na, nei te theome loku ghotilo tagna eghu.