Lamentations 2:14 - Buka Blahi Ka Cheke Holo

¹⁴ Nou profet iagho igre chaghi kolho theo nafudi. Nodi mifi mare igre theome tangomana te tathakle nakhibomu iaghore, eghuteuna theome togho nigho mala koko nakhibo igre mala ke au fakeli, eghuteuna fakarhi nigho ka puhi biꞌo. Cheke te chekedi mare igre chaghi kolho, eghuteuna batu nigho mala leghuni nabrou te jafra.

Lamentations 2:14 Referans Kwoze

Profet Esikiel 22:28

Nodi mae profet mare igre mare pophoru puhidi te diꞌa te gnafa te edi mare igre jateula peda vegha te peda mana ka gringni te thona ra eghu. Uve, mare chaghi eidi mifi nei unha te chekedi mare ginauna thoke mei teu igre. Mare cheke eghu, ‘Lord God teke chekeni na igne,’ nu iara theome chekeni kaisei glepo ka mare.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Isaia 58:1

Lord ne cheke eghu ka iara, “Iagho eha fabiꞌo jateula naogla khufli eghu! Toutonu ranghidi nogu naikno iara Israel, eigna puhi te figri tagru ghau nei eidi nakhibo teu are.

Profet Esikiel 22:25

Mae profet di Israel igre edi keha gaoghatho te diꞌa mala goigonidi naiknore jateula lion te rofo te ku'e fabiꞌo kate ghamu nafnahidi glepo tautagu te kathu falehe thedi re. Mare aknu falehe naiknore, eghuteuna hata nodi sileni mare re baludi keha glepo langau eghu. Kmana mae te aknu falehe mare re, eghuteuna khetodi mae te lehe igre au glehe kokoi.

Profet Jeremaea 2:8

Hatimare mae pris theome ghatho ghau iara. Mae te lasedi nogu farirhiu iara igre theome lase ghau iara. Hatimare mae mala baubatu igre figri tagru ghau iara. Eghuteuna hatimare mae profet igre jaola cheke fakelini nanghagna god Baal. Mare pogho soru ka mumuju god te theo nafugna igne.”

Profet Sefanaea 3:4

Hatimare mae profet igre fahaeghe fara, eghuteuna mare toutonu eidi unha te theome mei funudi ka Lord. Mae pris igre mare lausasaba di kolho glepo te blahi re, eghuteuna mare theome leghuni nogna vetula God te mala toghodi thedi na.

Profet Maeka 2:11

Jame kaisei mae chaichaghi mei ka ghotilo ne cheke eghu, ‘Iara cheke fadoglo ka ghotilo! Na theome raugha, nomi namono ghotilo igne ginauna fodu fara ka waen nei beer,’ igne nafnata mae te kelitami fara ghotilo na.”

Profet Esikiel 13:22

Iara theome magnahaghedi naikno te doglo gre te diꞌanagnafa na, nu ghotilo faglaꞌedi gaoghathodi naiknore ka nomi chaichaghi ghotilore. Ghotilo togho haghedi koba naikno te diꞌare, eghuteuna mare theome tangomana teke figri fapulo ka puhidi mare te diꞌa re, mala tangomana mare te fakarhadi nakarhadi thedire.

Profet Jeremaea 37:19

Nu aheva si nou mae profet iagho teke chekeni mae king gna Babilonia balu nogna armi na ginauna theome mei magra ka noda kantri tahati igne teku gnea?

Profet Jeremaea 28:15

Aonu profet Jeremaea leghuni nogna cheke Lord igne ne cheke eghu ka profet Hananaea, “Hananaea, fanomho fakeli iagho ia! Lord neke theome kuru mei nigho iagho. Nu naikno igre fatutuanidi nou cheke chaichaghi iaghore.

Profet Jeremaea 23:36

Nu ghotilo thosei cheke eghu, ‘Igne chekegna Lord.’ Naugna jame te cheke eghu mae igne na, iara ginauna nake figri nogu cheke na mala kaisei mae mala pala tahu mana. Nafnata naikno igne tuthughu kolho chekegna God mae ihei te karha te tifa na, Lord mae ihei te au nolaghi fateote'o.

Profet Jeremaea 23:22

Nu jame te kegra mare ke ulugu iara na, mare tangomana te chekeni thofno chekegu iara na ka nogu naikno iara re. Eghuteuna cheke igne tangomana nate toghodi naiknore te mala theome leghuni nabrou te diꞌa na.”

Profet Jeremaea 20:6

Eghuteuna iagho ghema Pasur, mae naokare ginauna atha nigho iagho baludi iheire te au ka khora sugamu na mala tei sosolo Babilonia. Eghuteuna iagho baludi mae kheramu teke toutonu chaichaghi iagho ka mare ra, ghotilo te gnafa na ginauna lehe ka namono igne, eghuteuna mare ginauna giugilu ghami ghotilo jare.’ ”

Profet Jeremaea 29:21

Lord mae ihei te au nolaghi fateote'o, nei nodi God mae Israel teu igne ne cheke eghu, “Ehab thugna mae Kolaea ghe mae Sedekaea thugna mae Masea igre, phei mae profet chaichaghi. Phei mae igre toutonu chaghi ka nanghagu iara. Eghume, iara ginauna lisa laodi phei mae igre ke parigna nogna nolaghi King Nebukadnesa. Eghuteuna mana ginauna falehedi phei mae igre ke ulumi ghotilo.

Lamentations 4:13

Nu naoka gre ne jugru lamna, naugna mae profet nei mae pris teu igre ne ei puhi te diꞌa ke lamnagna namono igne. Mae igre aknu falehe naikno te doglo re.

Profet Esikiel 23:36

Lord neke cheke eghui, “Maegna ka nauthoglu. Ba, iagho tarabana mala fatedi Ohola ghe Oholiba la chekenihi te mala au papara repa na? Jame te eghuna, iagho tei cheke faheta ka repa eidi puhi te edi repa te thono diꞌa fara igre.

Profet Hosia 9:7

Ghotilo maemi Israel ra fanomho fakeli, naugna narane teke lilisei God te mala para ghami ghotilo na la namohi. Eghuteuna nafnata puhi te para ghami God igne thofno doglo fara, eghuteuna unha najafra teke eni ghotilo na ginauna thono biꞌo fara. Eghuteuna ghotilo jateula te tiromi ghatho tahuni eghu mana. Iara lase ghami ghotilo cheke eghu ka iara, “Mae profet igne au tagna tharunga gna God, nu mana kaisei mae fagoigoli kolho eghu.” Ghotilo naikno igre tiromi ghau iara, naugna nakhibomi ghotilore biꞌo fara.

Profet Maeka 3:8

Nu ka iara na, Lord tusu mei nolaghi nei Tharunga gna na ka iara. Eghuteuna mana togho ghau iara mala thofno lasedi iara puhi te doglo te mala fatedi naiknore. Eghuteuna farerheta gaoghathogu iara na mala tangomana iara te cheke fajifladi nakhibodi nogna naikno mana re.