Josua 2:3 - Buka Blahi Ka Cheke Holo

³ mana kurudi keha mae ne tei ka gaꞌase igne, ne cheke eghu ka naꞌa, “Iagho falalase phei mae te mei filo poru ka noda namono tahati gne, te mei au teu ka sugamu iagho na are!”

Josua 2:3 Referans Kwoze

Fapea Samuel 10:3

mae biꞌodi Amon igre ne cheke eghu ka mae Hanun, “Ne ghatho tahuni mae Devet kmamu na ne kuru meidi mae igre mala fameomego nigho neu sagho ia? Theo! Mae Devet gne kuru mei mae igre mala fifilo fakeli ka noda namono biꞌo tahati igne, eghuteuna ke leghu na mana ginauna mei roꞌe ghita tahati.”

Mae Khuru 12:6

Ka bongi ame fateni nga mae Pita ka keha narane na teuna, mae Pita ne thuru neu farihoteidi phei mae soldiare. Mare rerini mana ka phei chen, eghuteuna keha mae greireghire kegra neu ka grengathagna suga sosolo na.

Jone 19:4

Mae Paelat neke jiflai ne cheke eghu ka mae Jiu gre, “Tore, filo si ghotilo! Iara atha fajiflani mae Jisas ka ghotilo. Naugna iara magnahaghei ghami ghotilo te laseni iara theome filoni kaisei najafra ka mana te nabagna te mala fate faleheni mana na.”

Thoutonu Eigna Mae Job 21:30

Thoutonu na eghu agne: Ka narane te diꞌatagna God te paradi naiknore, puhi biꞌo theome thokedi naikno te diꞌa re.

Ululahu Kronikols 19:3

mae biꞌodi Amon igre ne cheke eghu ka mae Hanun, “Ne kuru mei mae Devet mae igre mala cheke diꞌanagnafa nei fafnaknoni mae kmamu neu sagho gaoghathomu na ia? Theo. Mana kuru mei mae igre mala filodi kolho gobigna lepo te au ka namono igne, mala tangomana mana te mei goigoni ni namono igne eghu kolho si mana gnea.”

Josua 10:23

Aonu mare hata ne mei mae king di Jerusalem, Hebron, Jamut, Lakis nei Eglon teu igre ka mae Josua.

Levitikas 24:14

“Ghotilo hata mae tuana tei ke kosigna vido te au ghotilo na. Eghuteuna iheire teke nomhini mana teke cheke fadiꞌa na mala tei lisei khamedi re ka phaꞌugna mana na, mala laseni mana te jafra na. Eghuteuna ghotilo te gnafa na fadi faleheni mana ka thina.

Jenesis 42:31

Nu ghehati ne cheke eghu ka mana, ‘Ghehati gne mae mala cheke kate tutuani. Ghehati theome mae mala fasigho.

Jenesis 38:24

Jame naba thilo nhigra ke leghugna igne, mare ne mei cheke eghu ka mae Juda, “Nanghomu iagho Tama ia la jafrahi ka puhi te diꞌa na ne jateula ngau thau vine neu ne thuru balugna kaisei mae, eghuteuna naꞌa gognaro na la buklahi eghu.” Mae Juda ne cheke faheta eghu fara, “Hata mei gaꞌase tuana mala koko lao ka khaꞌaghi mala lehe na.”

Josua 2:2

Kate nomhi mae funeigna Jeriko igne te mei au phei mae igre ke lamnagna namono na te mala filo glani vido igne,

Josua 2:4

Nu naꞌa porudihi phei mae igre ne cheke eghu ka mare, “Tutuani, phei mae igre neke mei ka sugagu iara na gne, nu iara theome lasedi neke mei funudi aheva.

Fapea Samuel 17:20

Keha mae ka nogna soldia mae Absalom igre mei ne ghusna eghu ka naikno biꞌo igne, “Ahevau mae Ahimas ghe mae Jonatan ra?” Eghuteuna naꞌa ne cheke eghu, “Repare la tei kasahi ka khoꞌu gno.” Aonu mare tei ne hirodi mae Ahimas ghe mae Jonatan, nu mare ne theome filodi phia mare. Eghuteuna mare figri neke pulo Jerusalem.

Jajis 4:20

Sisera ne cheke eghu ka naꞌa, “Tei kegra ka grengatha gno. Jame kaisei mae mei ghusna eghu ka iagho, ‘Ba, kaisei mae mei agne?’ iagho cheke eghu, ‘Theo.’ ”