Josua 13:13 - Buka Blahi Ka Cheke Holo

¹³ Neuba, naiknodi Israel gre neke theome khi fajifladi naiknodi phei namono Gesu ghe Maka. Gognarona, naikno igre au soru baludi naiknodi Israel.

Josua 13:13 Referans Kwoze

Josua 13:11

Mare neke jaola nake atha nodi glose mae Gilead tei posa ka nodi nohi mae Gesu nei mae Maka nei keha vido ka Thogele Hemon nei keha vido ka nohi Besan tei posa ka namono Saleka.

Naba 33:55

“Nu jame te theome brue fajifla ghotilo naikno te gnafa ka vido tuana na, mare ginauna edi kmana puhi ka ghotilo. Mare jateula gaju ikodi te tangomana juru ka tathami ghotilo ra eghu, ba jateula buburu fajujuru te tangomana juru ka thinimi ghotilo re eghu. Leuleghu fata na mare ginauna edi kmana hoholo fabrahu ka ghotilo.

Fapea Samuel 3:3

Fapea na mae Kiliab, mana neke karha ka Abigel glehe kokoi mae Nabal ka namono Kamel. Fatilo na mae Absalom, mana neke karha ka Maka, thugna gaꞌase king Talmae, ka namono Gesu.

Diutronomi 3:14

Eghuteuna mae Jaea kaisei mae ka vikegna mae Manase, mana neke hata glose ka nohi thongana Agob ka rijon Basan te tei posa ka fofotagna namonodi naiknodi Gesua nei naiknodi ke mosu Maka. Eghuteuna mae Jaea ne fangangha rijon igne ka thegna ne kiloni Havot-Jaea. Nangha igne au ngala posa gognarogne.

Josua 12:5

Mana funei frunidi Thogele Hemon, namono Saleka nei nohi Besan tei posa ka vido te au naiknodi Gesu ghe Maka. Eghuteuna mae igne jaola funei ka nohi Gilead tei posa ka nohigna nogna kantri mae king Sihon.

Josua 13:12

Eghuteuna funu jare tei posa ka vido te gnafa ka nohi teke funei frunidi King Og baludi phei namono Astarot ghe Edrei teke namono biꞌo na. Mae Og gne ngala mae leghu lahu ka vikegna mae Refaem tifa na. Mae Moses baludi naiknodi Israel neke magra neke uludi naikno igre baludi nodi namono re.

Josua 13:14

Lord neke chekehi ka mae Moses te vikegna mae Livae igre ginauna theo nodi glose, nu mare ginauna au ghedi gano ka unha keha vike are te hata te mei te mala taraidi nei fafara eghu ka Lord.

Ululahu Samuel 27:8

Ka narane te au mae Devet ka namono igre, mana neke tei baludi nogna mae soldia re neke magra ka vikegna mae Gesua, ka vikegna mae Giresi, nei ka vikegna mae Amalek. Mare au ka nodi namono mare te funu Telaem igre tei posa Sua nei tei posa Ijep.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Fapea Samuel 10:6

Kate laseni hatimare mae Amon igre te thofno diꞌatagna fara mae Devet eigna unha te eni mare igne, mare hata varadaki thogha soldia Aram funu Bet-Rehob nei Soba. Eghuteuna nabotho phei thogha Tob, eghuteuna hata kaisei thogha soldia Maka. Mare kafe mei ne loku fodu tarabana mala magra.