Jone 8:46 - Buka Blahi Ka Cheke Holo

⁴⁶ Ba mae ihei ka ghotilo te filo ghau iara te eni unha glepo te diꞌa na? Te chekeni iara tutuani na, naugna unha me theome fatutuanidi ghotilo unha te chekedi iara re?

Jone 8:46 Referans Kwoze

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 8:7

Mare magnahaghei keha cheke tughu ka mana ne ghusna fabrahu. Mana gnokro fadoglo haghe ne cheke eghu ka mare, “Mae ihei ka ghotilo te theome eni kaisei najafra na, kulu atha kaisei thina mala fadi faleheni naꞌa.”

Nonomho Te Keli Teke Risoi Mae Mak 11:31

Aonu, mare ne funu fapoaphola fari thedi ne cheke eghu, “Jame cheke eghu tahati na, ‘God ngala teke tusu lao nolaghi ka mae Jone na,’ mana ginauna cheke eghu ka tahati, ‘Jame teuna, naugna unha ne theome leghuni ghotilo unha teke chekeni mae Jone na?’

Matiu 21:25

Ba, nolaghi teke faꞌapublahi naikno mae Jone ia neke mei funu ka God, ba funu ka naikno kolho? Chekeni ka iara.” Aonu, mare ne funu fapoaphola fari thedi ne cheke eghu, “Jame cheke eghu tahati na, ‘God ngala teke tusu lao nolaghi ka mae Jone na,’ mana ginauna cheke eghu ka tahati, ‘Jame teuna, naugna unha ne theome leghuni ghotilo unha teke chekeni mae Jone na?’

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Jone 16:8

Eghuteuna, kate mei mae mala totogho na, mana ginauna falalase fakeli ka naiknogna nauthoglu igne eigna nakhibo, eigna ihei te doglo ke ulugna God na, nei eigna ihei God nate fateni na.

Jone 15:10

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Jone 8:47

Mae iheire te nogna God re, mare fanomhidi chekegna God re. Nu ghotilo gne theome nogna God naugna ghotilo ne tiromi fanomho ka mana!”