Jone 7:3 - Buka Blahi Ka Cheke Holo

³ Aonu, mae thabusigna mae Jisas re ne cheke eghu ka mana, “Ghema, jifla sagho tei Judia mala filodi naikno te leghu nigho re kofubobhoi te edi iagho are eghu.

Jone 7:3 Referans Kwoze

Matiu 12:46

Kate facheke teu mae Jisas ka naiknore, idogna nei thabusigna teu mana re ne posa mei kegra neu kosi. Mare magnahaghei te mei cheke ka mana.

Jone 7:5

Neubane mae thabusigna mae Jisas gre mare theome fatutuani ni mana.

Mae Khuru 2:14

Mae Pita ne kegra haghe baludi nabotho kaisei mae khurure ne cheke eghu fabiꞌo ka naiknore, “Uve kheraguro, ghotilo mae Jiu nei iheire te kafe au agne Jerusalem na, fanomho fakeli ka unha nate chekedi iara igre! Snakre ghau iara mala toutonu ka ghotilo unha te eni gognaro gne.

Jone 7:10

Aonu, hatimare mae thabusigna mae Jisas re ne tei Jerusalem ka gaghamu na. Mae Jisas ne tei la Jerusalem ke leghudi mare. Nu mana ne tei poru mala theome laseni kaisei naikno aheva te tei mana na.

Luku 8:19

Idogna nei thabusigna teu mae Jisas re ne mei mala filoni mana. Nu mare theome tangomana te lao namo ka mana na, naugna naikno kmana fara te khapru faligohoni mana na.

Nonomho Te Keli Teke Risoi Mae Mak 3:31

Aonu, idogna nei tahigna teu mae Jisas gre ne posa mei. Mare kegra kosi ne kurudi keha naikno ne tei lamna suga mala fachekeni mana jifla mei kosi.

Profet Jeremaea 12:6

Neuba thabusimu iagho igre baludi thofno tharaknamu iagho re, mare jaola figri tagru nigho iagho. Mare loku fodu baludi mae naoka mala cheke balu diꞌatadi ka iagho. Eghume, neuba mare ne cheke famane cheke eimu iagho, nu iagho thosei fatutuani di.”

Ululahu Samuel 17:28

Aonu mae Eliab, mae ke biꞌogna mae Devet igne nomhini te cheke teu mana baludi mare igne ne diꞌatagna fara ne cheke eghu, “Ei, unha te mei eni iagho agne na? Mae ihei nate reireghidi nou phei thilo sipu te au teu ka namono nagoura? Iara lase nigho iagho kaisei mae diꞌa! Iagho mei agne mala filo nou magra kolho!”

Jenesis 37:20

Mei ghotilo, mala falelehe nodani mae igne mala koko lao nodani thinigna mae tuana ka kaisei khora ka igre eghu. Ke leghu na tahati ginauna na cheke eghu ka mae mama, ‘Kaisei bosu mhata ne ghamuni mana.’ Aonu tahati na laseni ne faꞌunha teuna ka nogna mifi mana igne.”

Nonomho Te Keli Teke Risoi Mae Mak 3:21

Kate nomhini thoutonu igne, keha thabusigna mae Jisas re ne mei mala tathaleini mana, naugna keha naiknore ne cheke eghu, “Mae Jisas na la ghilei noli tutuani.”

Jone 2:2

Hatimare ne toreni mae Jisas baludi nogna mae fanomhore mala au langau ka gaghamu tholaghi igne.

Jone 6:60

Kmana ka naikno teke leghuni fabrahu mae Jisas igre nomhini u nafnata farirhiu igne ne cheke eghu, “U farirhiu igne thono ninhigrana fara. Ginauna theome tangomana kaisei naikno nate fatutuanidi u nafnata farirhiu igre.”

Jone 6:66

Ke leghugna te cheke eghu mae Jisas igne, kmana naikno teke leghuni fabrahu mana re, mare ne tei kokoni mana neke tirodi leghuni mana.

Jone 7:4

Naugna mae ihei te magnahaghei fnakno ka tathadi naiknore, mana theome tangomana te eni poru nogna gloku na. Eghume te edi iagho glepo te biꞌo igre, edi fakakhana sagho ka tathadi naikno te gnafare mala kafe filo glani nigho.”

Luku 8:20

Aonu naiknore ne cheke eghu ka mae Jisas, “Idomu nei thabusimu teu iagho re kegrau kosi. Mare magnahaghei te mei filo nigho iagho.”