Jone 5:41 - Buka Blahi Ka Cheke Holo

⁴¹ “Iara theome hironi u nafnakno na ka naiknogna nauthoglu igne.

Jone 5:41 Referans Kwoze

Jone 7:18

Mae ihei te farirhiudi kolho nogna gaoghatho thegna re, mana fariuriu fafnaknoni kolho thegna. Nu mae ihei te fariuriu fafnaknoni mae teke kuru mei ghau iara na, naikno tuana chekeni koba u glepo te tutuani na eghuteuna mana theome lase chaghi.

Ululahu Tesalonika 2:6

Ghehati theome hironi nafnakno na ka ghotilo, ba ka ihei. Ghehati nogna khuru mae Kraes. Naugna igne, kate au balumi ghotilo na, ghehati tangomana te tore glepo ka ghotilo. Nu ghehati faꞌamama ka ghotilo jateula kaisei gaꞌase te taegodi goro thugna.

Jone 8:50

Iara theome harini nafnaknogu thegu na mala ghatho tahu ghau naiknore. Nu mae Mama magnahaghedi naiknore te mala fafnakno ghau iara na, naugna te chekeni mana na iara kaisei mae thono doglo fara. Eghuteuna God ginauna kafe fate ghami ghotilo.

Jone 5:34

Iara theome lelheghu ka naiknogna nauthoglu gne te mala chekedi unha te edi iara re tutuani fara teuna. Nu iara chekeni ka ghotilo igne mala fatutuani ghotilo mala athani u karha fei tifa na.

Jone 8:54

Mae Jisas ne cheke eghu ka mare, “Jame fafnakno ghau iara thegu na, igne theo kaisei nafugna kolho. Nu mae ihei te fafnakno ghau iara na mae Kmagu iara ngala, mae te chekeni ghotilo ne mae nomi God themi teuni ghotilo ia.

Jone 6:15

Ka narane tuana mae Jisas ne filo glanidi u gaoghathodi naiknore te magnahaghei huhuruni mana mala mae King. Aonu mana megei nga ne jifla ne tei au thegna kau thogele na.

Jone 5:44

Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.

Fapea Pita 1:17

Eghuteuna ka narane tuana God Kmada neke fafnaknoni nanghagna mae Jisas na, eghuteuna fasiasiglani mana ka nogna nolaghi te biꞌo na. Naugna God mae te nolaghi fara kligna lahu na neke cheke eghu mei, “Igne thofno mae Thugu iara na. Iara namhani mana nei keli taguni eghu mana.”

Ululahu Pita 2:21

God neke kilo ghamihi mala eni igne, naugna mae Kraes neke papara fara mala fakarha ghami ghotilo. Mana neke falalase ka ghotilo nogna puhi na mala leghuni ghotilo ginau.

Jone 5:40

Neubane eghu ngau ne cheke eigu iara u grioriso te blahi gre ghotilo theome magnahagheini te mei ka iara te mala athini u thofno karha tuana.

Jone 5:42

Nu iara lase ghami ghotilo fara, naugna ghotilo theome namhani mae Kmagu iara na ka nagnafamire.

Jone 12:43

Mare magnahaghei nafnakno ka naiknore ke tulao gnai nafnakno te mei ka God.