Jone 5:25 - Buka Blahi Ka Cheke Holo

²⁵ Tutuani fara te chekeni iara ka ghotilo na. U narane na la meihi, la kulu auhi agne, kau narane tuana naikno teke lehehira ginauna nomhi ghau iara mae Thugna God na. Eghuteuna naikno nate nomhi ghau nei leghu ghau teu iara tuare na athini u karha na.

Jone 5:25 Referans Kwoze

Jone 5:28

“Thosei jaglo nomi ka cheke iara igre. U narane na la namo meihi, kau narane tuana naikno teke kafe lehehire ginauna nomhi ghau iara.

Efesus 2:5

Kate au tahati ka glehe eigna te huhughuni nogna cheke na, God neke fakarhi ghita balugna Kraes. Eghume ghotilo karha ka nogna khokofakasai God.

Jone 4:23

Narane na la meihi, u narane tuana agne hi gognaro. Naikno te tarai tutuani ka mae Kmada na, u Tharunga te Blahi na ginauna toghodi mare mala falalase glepo eigna mana ka naiknore. Nafnata naikno igre te magnahaghedi mae Kmada te mala tarai lao ka mana na.

Thakle 3:1

Mae igne neke cheke eghu, “Iagho rioriso tei kaisei letas ranghini engel ka khiloau Sadis, eghuteuna iagho cheke eghu: Igne nogu cheke iara mae ihei te au fitu tharunga te keli nogna God, baludi fitu nathunure. Iara lase ghamihi ghotilo, neuba naiknore ne chekeni ne karha neu ngala ghotilo teuna, iara lase ghami ghotilo gognaro na jateu tela lehehira eghu.

Jone 8:47

Mae iheire te nogna God re, mare fanomhidi chekegna God re. Nu ghotilo gne theome nogna God naugna ghotilo ne tiromi fanomho ka mana!”

Kolose 2:13

Tifa na, ghotilo neke jateula te lehehi neku naugna nakhibo teke edi ghotilo re nei naugna ghotilo neke theome snagla ka nogna nolaghi nakhibo te funei frunidi gaoghathomi are. Nu God neke fakarha fapulo ghami balugna mae Kraes. Eghuteuna God hata fadeleidi la gnafahi nakhibomire.

Efesus 2:1

Tifa na ghotilo neke au ka glehe, naugna ghotilo neke huhughuni God nei edi unha glepo te diꞌa.

Letas Teke Riso Tei Mae Pol Ka Khiloau Rom 6:4

Ka apublahida na, tahati jateula te lehe eghu balugna mana nei giugilu ghitahi balugna mana. Eghuteuna ka igne tahati jaola tangomana teke karha fapulo jateula Kraes eghu e mala au ka nakarha majaghani, eigna God Kmada neke fakarha fapuloni mana ka nogna nolaghi te biꞌo na.

Jone 8:43

Ghotilo theome laseni unha te chekeni iara na. Naugna ghotilo theome magnahagheni te leghudi nogu cheke iara re.

Jone 5:21

Mae Kmagu iara na tangomana teke fakarha fapulodi naikno teke lehehire. Eghume iara mae Thugna na ginauna eghu la ke tusu lao u karha ka iheire te vahidi iara re.

Luku 15:24

Naugna mae thugu iara gne neke lehehi, nu gognarona kela karha fapulo. Mana neke snivihi nu gognarona kela thakle mei ka tahati!’ Aonu, hatimare ne ghamu ne gleale'a fodu.

Luku 9:60

Nu mae Jisas ne cheke eghu ka mana, “Iagho lisa laodi naikno te tirodini nakarhagna God na mala giugilui mare thedi. Tei sagho mala toutonuni nakarha te funei frunini God na.”

Jone 4:21

Mae Jisas ne cheke eghu ka naꞌa, “Naikno biꞌo, fatutuanidi sagho te chekedi iara igre. Naugna ginauna thoke mei u narane nate theome ke pulo naiknore Jerusalem ba haghe ka thogele igne te mala tarai ka mae Mama na.

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Jone 17:1

Ke leghugna te chekedi mae Jisas glepo igre, mana filo haghe kligna ne tarai, “Mama, narane na la meihi. Fatakle meini nou nolaghi biꞌo na ka iara mae Thumu gne mala fatakle ari langau iara mae Thumu gne nolaghi biꞌo na ka iagho.

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.

Jone 6:60

Kmana ka naikno teke leghuni fabrahu mae Jisas igre nomhini u nafnata farirhiu igne ne cheke eghu, “U farirhiu igne thono ninhigrana fara. Ginauna theome tangomana kaisei naikno nate fatutuanidi u nafnata farirhiu igre.”

Jone 9:27

Mana ne cheke eghu ka mare, “Iara la chekehi ka ghotilo sia, nu ghotilo theome fatutuanidi nogu cheke iara re neu. Mala ke faꞌunhai si ghotilo teke magnahaghei nomhini ngala gnea? Ba, ghotilo magnahaghei teke mala nogna mae fanomho la mana sia?”